فرصة لا تعوض ... أنت الرئيس

[فدوى الحسن]

فرصة لاتعوض ... انت الرئيس
انت الرئيس

لو كنت المسؤول

انت الان تجلس على كرسى الرئاسة

ابدأ فى حل مشكلة تؤرقك وتحس انها تحتاج الى قرار فوري

سوف ابدأ بنفسي ... لو كنت المسؤول

لاصدرت قرار فوري بألغاء ضرائب المغتربين

ووضعت تحت التوقيع

استنادا الى الاية الكريمة (الذين يأكلون أموال الناس بالباطل)

جاء دورك .. انت الان الرئيس

[القناص فوزي]

لحليت مشكلة المجاعة

ومشكلة الفقر



ولو كلفني ذلك بترول السودان كله



مجرد رأي

[الزبير محمد عبدالفضيل]

بسم الله الرحمن الرحيم


الشكر الجزيل علي هذه الفكره الجيده


أذا كنت رئيس البلاد اول شيء المساواة بين المواطنينن والعدل بينهم عشان

مايكون هنالك ظلم ثم انهي شيء اسمه ضرائب ثم مدة جواز السفر تكون


عشره سنوات مثل جميع دول العالم قاطبه فقط دولة السودان مدة سريان


صلاحية جوازها سنتين فقط


ربي اغفر لي جميع ذنوبي

[الدبلوماسي]

بعد التحية :
سوف أنهض واتنازل عن هذا المنصب... لانني لا احب أن أكون الرئيس لان هذا المنصب سوف ياخذ منى أجمل الأوقات .... التى أقضيها مع اسرتي ومع اصدقائي ومع منتداي الجميل ود مدني
اخوك
أبو يوسف

[امينو]

والله موضوعك جميل اختي فدوى وهذا ما عودتنا عليه

ولو كنت رئيس اول حاجة اقدم تسهيلات للمغتربين عشان يرجعوا وتكريم ليهم على العملوهو للبلد السنين الفاتت وتاني حاجةاوقف تصدير اي حاجة من السودان لحدي ما السودان يكتفي ذاتيا زي ( البترول والسكر واللحوم ) والحاجات الدايرة تغيير كتيرة

[محمد محيسى]

لو كنت انا الرئيس لجعلت ودمدنى عاصمة السودان

[همس الشوق]

لك التحية على الموضوع الجميـــل
ولو كنت في المنصب دا اول حاجة تخفيف الضرايب على المواطنين والمغترين خاصة وتخيف رسوم الدراسة والعلاج وتقليل الاجرات المافي داعي ليها

[فدوى الحسن]

شكرا للاخوان على المرور
ونحن في انتظار المزيد من الرؤساء.
ودمتم.........

[الزمن المريح]

بمبدأ قائد القوم خادمهم
تحسين جميع الخدمات بالدوائر و الوزارات الحكومية

مجانية التعليم يعنى بدون رسوم فقط منافسة شريفة
مجانية العلاج و تطوير المستشفيات و الخدمات بها ،،
تأسيس بنى تحتية متينة لوضع الصحى (صرف صحى الخ) بالعاصمة و الاقاليم على حد سواء
الاهتمام بالمبدعين و تطويرهم ،، الاهتمام بالبحث العلمى و تشجيعه
و تطوير الاقاليم و اعادة النازحين ،، وعيييييييييييييييييييييكك

تطول اللستة

يعنى ممكن اسرح و اكتب كتاب ،،

بس فى حاجة واحدة سوف اغلقها ،،، و هى جهاز شؤون المغتربين ،،
ما حا يكون فى شؤون مغتربين و لا يحزنون ،،
احتمال يكون فى شؤون الاجانب المقيمين (الوافدين )

[صالح ابوشوارب]

الابنة فدوى

انا حاكون واقعي بلاش لف ودوران

لو كنت رئيس طبعا جماعتي حيوصوني ويقولو لى بكرة

حيعملوا ليك انقلاب وتروح الشارع احسن تشوف ليك قطعة

ارض درجة اولي ولو خايف الناس تعرف اكتب القطعة باسم

صاحبك وبعدين ما تنسي تشوف ليه مقاولة من ناس

الاشغال عشان يبني ليك البيت من ضمن المقاولة

المهم بعد المشاورات مع الجماعة والاصدقاء

اقوم ارفع السماعة واصدر التعليمات الاتية

تلفون لوزير المالية بالله ياوزير المالية في اخونا زيد

حاول مساعدته في الجمارك اصلوا الراجل بيقدم لينا

خدمات للحزب

وتلفونات لكل وزير لمساعدة زيد وعبيد وزيدة وعبيدة

بحجة ابناء السودان البررة او مساعدين للحزب او رجال خير وبركة

وانا بدورى ارسل لذيد وعبيد والرجال البررة واحد من جماعتي

عشان يساعدوه ويدخلوه شريك المهم الواحد يأمن مستقبله

قبل ما يصح من النوم ويلقي عسكرى نط في الكرسي

وبعدين ايه قصة المغتربين الطالعين فيها دي

بالله نميري زمان عمل ليهم اعفاء للسيارات بدون جمارك

الآن عملوا ليه شنو ؟

عايزيني اطلع اشحت والمغتربين عمارة ولاندكروزر ؟

واخيرا سلامي للشعب وخاصة المغتربين فردا فردا

وقولوا ليهم الحاجة بتسلم عليكم والقروش الداساها مرقت

وناس الجمارك ماشافوها !!!!!

[ودأبكرش]

ايها الشعب السوداني


أمر بمنح وظائف لكل الخريجين


بمرتبات مناسبة


هههههههههههههههههههههههههههه


دي مسؤوليه انا نا بقدر عليها

[أبوريلان]

أتنحى عن هذا المنصب لأننى أعجز أن أنصف الكل وهذا بدوره عذاب يوم القيامة .

[صائغ الحروف]

طبعا لوكنت الرئيس اول شى اقوم بفعله تزويج جميع العزاب
واقامة مشاريع لهم واقوم ببسط الحريه الشامله للجميع
وتطوير المناهج التعليميه واخلى الشعب يعيش رفاهيه
ما عاشه شعب اخر رفاهيه مع الالتزام الكامل بشرائع الخالق
وابخلى واحد فقير ولامحتاج وسوف تنهض البلد نهضة لامثيل لها فى تاريخ العالم اجمع