عذاب الغربة

[bet_madani]

الغربة عذاب.....كل الشباب يحلمون بالاغتراب خارج الوطن,ويصطادون الفرصة
ولكن صدقوني اعزائ الغربة حاره....احساس مميت تتجرعه في كل لحظه من لحطات حياتك,احساس تحسه مجرد ماتخطي قدماك الجهة التي قصدتها..ربما تاخذك لحظات الانبهار الاولئ بالمكان الذي قصدته وتنسيك لحظات الحنين الي ارض الوطن ولكن سرعان ما يزول ذلك الانبهار ليبقي شئ واحدفقط ..يلازمك كظلك...ينام و يصحو معك...ياكل و يشرب معك,,يزيل اليك كل معالم البهجةمن حياتك...احساس كاليتم بل اشد....... احساس الحنين الي الوطن الي فارقت الي الاهل الذين ودعت.....
نداء خفي يناديك ......انه نداء الوطن الام......يظل هذا النداء يلح عليك حتي تعود
و لكن صدقوني الغربة كجهنم وانا التي اتكوئ بنارها كل يوم.......
بت مدني

[HAMADTO]

بسم الله الرحمن الرحيم

نعم يا بنت مدني ان حنين الاوطان وهموم الاغتراب ولهفة المشتاق ينزف شكواه وبلواه ...........
ولكن نرفع أكف الضراعة والدعاء إلى السماء الزرقاء ... ونقول : وطني ... أرضي .... حنيني ..... دار ابوي ومتعتي وعجني ... قادم إليك لا محاله رغم المتاعب والصعاب قادم إليك يا أرض الجزيرة يا ارض المحنة

[aborawan]

المصيبة انو الواحد ما بقتنع الا يتكوي بالنار دي براه
مثلا الليلة بت مدني قالت الغربة حارة ونارا بتكوي البسمعا بقول ايوا عايزة تخم براها وما عايزانا نستفيد في حين انو فعلا بت مدني كلاما حقيقي وصدقوني يا عالم

الغربة حااااااااااااااااااااااااااااااااااااااااارة والله العظيم جهنم الحمراء

[masa]

صادقة يا بت مدني والله ... لكن فعلا الجمرة بتحرق الواطيها ....
الغربة .. حارة .... مرة .... قاسية .... ظالمة .... مظلمة .... مؤلمة .... مبكية .... وفي الآخر ... محرجة .. ياريت لو فيها فائدة ...

والما مصدق يلحقنا ويجرب
لو شايف النار من بعيد نور بتعرف حرارتا لمن تقرب
الغربة شينة وقاسية وما بتعمر غير تخرب
إلا لو مادخل في المويا اللستك ما بنعرف من وين بسرب
( كلمات جات براها كدا وانا برد على الموضوع)

مع تحياتي للجميع ...

MASA

[عبدالرحيم]

انا ما عارف اقول ايه صدقوني بت مدني اصابة جرح حقيقي بالنسبة لي دامي ولازال يدمي ما يقارب 12 سنة نسيت حتى اسماء اقرب الناس لي فالغربة ثمنها غالي جدا جدا هذا كلام طول لو حاولت الكتابة فيه بقولها لمن يحاول الاغتراب وسبل العيش متيسره له في وطنه لاتفارق فتندم وتموت بالحسرات تطير الفلوس لو مسافر عشانه0

[bshagra]

بت مدني الواعي ما بوصو

والغربة ما بمشي ليها الا مجبور

واكان صبرنا رزقنا بجينا

[114]

ربما تاخذك لحظات الانبهار الاولئ بالمكان الذي قصدته وتنسيك لحظات الحنين الي ارض الوطن ولكن سرعان ما يزول ذلك الانبهار ليبقي شئ واحدفقط ..يلازمك كظلك...ينام و يصحو معك...ياكل و يشرب معك,,يزيل اليك كل معالم البهجةمن حياتك...احساس كاليتم بل اشد....... احساس الحنين الي الوطن الي فارقت الي الاهل الذين ودعت.....

لكن يا بت مدني انا عندي الوضع معكوس، يعني لا تأخذني لحظات الانبهار الأولى بالمكان الذي قصدته، بل أحس في اللحظات الأولى بالغربة والحنين الشديد للوطن، بل والخوف من المجهول، ومرات- لولا الملامة- ارجع لوطني فورا،
وطبعاً أول مره أسافر خارج الوطن ما كنت خاتي في بالي انو ممكن يلاقيني زي الاحساس ده، وأذكر انو جاء معاي للمطار خالي يودعني، ولما سلم علي قبل ما أدخل الصالة قال لي جملة ما فهمت معناها إلا لما فارقت الوطن وبقيت في لجة الغربة وآلامها، قال لي: (شد حيلك)، لحظتها ما فهمت معناها ابدا، لكن فيما بعد عرفت معناها، وحاولت اشد حيلي، علماً بأن خالي ده جرب الغربة قبلي، عشان كده حاول يشد من ازري ويوصيني الوصية الغالية دي: (شد حيلك)
مع انو غربتي كانت هينه ما زي غربته هو، غربتو كانت في امريكا، غربة حقيقية، وانا كانت للمغرب، بلد عربي مسلم افريقي، والآن برضو غربتنا حنينه، في السعودية، لكن بت مدني غربتها زي غربة خالي، في اوروبا، الله يعينك، ويعين كل سوداني في الغربة

[صائغ الحروف]

انا المنسى انا الولهان
انا الشايل عذاب الغربة والتحنان
حبيبتى لاتهجرينى
تزيدى عزابى والحرمان
وانا الجايك من الغربة
وشايل ريدى فى قلبى شقى وحرمان
نسيتى خلاص عزابى معاك
وايامنا واحلامنا البنيناها
بدمع الحب واهاتو
وفى الغربة
بشيل الهم افكر فيك
اقول ياريت اكون طائر
ا
زور بيت الحبيب مرةاغنى وانشد الالحان ودائما انتى فى قلبى شقى واحزان

[مهيد السفاح]

الغربه مره ومولمه ,, الغربه مره مولمه,,,,,
هكذا ظل يرددها الراحل المقيم فى الدواخل الاستاذ / مصطفى ,,,, وكفى[B][SIZE=2][FONT=Tahoma][COLOR=blue]

[ابوفيصل]

والله يا بت مدني كلامك في محله .. الغربة كلام ساي .. لكن الواحد عشان ما يزعل إخوانا العندهم رأي خلاف رأيك .. انو كل الناس حكماها ظروف .. ولكل شخص ظروف يقدر مداها .
ولكن برضو بنرجع وبنقول البلد مهما يكن بها من تعب وشقى هي الاصل في النهاية ..
بس الفرق يا شباب الملاريا ولا رأيكم شنو

[قوقو]

والله ام , أ ,اس أ
صادقة وكلماتك صادقة ومن جوه نابعة
لوكان في حد فيه حبة عافية كان من ناره الحارة
هرب وشاف ليهو انشاء الله قعر تباره

حلمنتيش

[aborawan]

يا اخوانا انتو بت مدني دي مشت وين اختفت كده من غير لا احم لا دستور اتمنى من اى زول بعرفا معرفة شخصية يطقس لينا من اخبارا عشان ما تكون في مكروه بعد الشر انشاء الله

[رهيب]

والله صادقة يابت مدني الغربة جمرة من نار جهنم 0





لالالالالالا تعليق في هذا الموضوع لان نار الغربة لالالالالا توصف0

[HAMADTO]

احساس كاليتم بل اشد....... احساس الحنين الي الوطن

[anwar12545545]

حسب تجربتي في الإغتراب ،فإن 90% من المغتربين يهاجرون بدون أهداف فقط ليبعدوا عن االوطن ومعاناته ،والشريحة الكبيرة معظمها من الشباب،وصدقوني فأنا وجدت أسر بالسعودية لاتملك حتى لقمة العيش ناهيك عن الرسوم الدراسية وقروش الإيجار ،وهذه تجارب أنا شفتها شخصيا .
ونصيحة للمغتربين وأخص الشباب لا تجعلوا فترة الإغتراب طويلة فقط حددوا أهدافكم ومن ثم أرجعوا إلى بلادكم .
وربنا يرجعكم سالمين وغانمين،،،
مع فائق تحياتي ،،،،
مغترب سابق