سوأل للجنسين

[مان من السودان]

هل من الممكن لشاب الزواج من شابة اكبر منه وكذلك هل ترضى الشابة بالزواج من واحد اصغر منها فى السن والى اى مدى

[محمد صلاح]

السلام عليكم ورحمة الله وبركاته
أولاً: كل عام و أنتم بخير ورمضان كريم
ونعتذر من الجميع على طول الغياب ده لو كان في لسه واحد بيتذكرنا زي فاقد ومرافئ وباقي الجماعة

وردا على سؤالك يا
Man From Sudan
أنا ما بشوف أي مانع في كدة لأنو إذا كان معلم البشرية – صلى الله عليه وسلم - تزوج السيدة خديجة أم المؤمنين وهو في العشرينيات من العمر وهي في الأربعينيات .
ثم دي حاجة ترجع للزوجين أولا وأخيرا فلازم تكون بمصارحة وتراضي .


ودا رأيي أنا والله أعلم

[مزوني]

حماده مشتاقين والله
والحمدلله على السلامه
ورمضان كريم وتصوموا وتفطروا على خير

انا من وجهة نظري هي زي ماقال محمد مافيها حاجه
لكن انا شخصيا ما بحبذا خااااااااااااااااااااااااااااااااااااااااالص
وربنا يديكم الصحه والعافيه

[مان من السودان]

السلام عليكم شوف يا محمد صلاح اصلاً انا ذاتى كان راى من رايك
بس عندى صاحبى عرس واحده اكبر منوا بى 12 سنة مافى زول
خلاو فى حالوا كبار وصغار عاش ضغوط وسهر يفكر ليالى

[ابراهيم]

باسم الحب ممكن يحصل اي شي منطقي وغير منطقى لكن لازم يكون في نسبة وتناسب بينك وبين زوجة المستقبل يعني الفرق ما يكون كبير التوافق هو اساس نجاح العلاقات سوى كانت علاقة زوجية او حتى الصداقات من جنس واحد

ويا محمد صلاح الرسول صلى الله عليه وسلم غير انو اتزوج السيدة خديجة وهي عمرها (40) سنة
برضو بنلقى عدد زوجاته (9) وكان بيعدل بيناتهن وبعدين في حديث في ما معناه انو الرسول (ص) أعطي قوة ثلاثين رجل

فالأعمار في عهد الرسول (ص) واوضاع المجتمع آنذاك تختلف والتي نحن عليها الآن
يعني في الوقت الحالي ما اظن في واحد عمره عشرين سنه يتزوج ليه واحدة عمرها 40 سنة قدر امو .. لانو كدة ما بكون في ارضية مشتركة ..
فيا مان من السودان ... لو الفرق ما كبير عرس طوالي

معليش يا جماعة انا سرحت في الموضوع
لكم التحية

[Mr Lonely]

والله يا مان من السودان انا ما شايف في مانع انو الواحد يتزوج واحده اصغر منو وكمان اذا كانت اكبر منو اذا كان الحب موجود كل شى ممكن