صامد في الغربة

حزنك ساكن في نو ر عينك
وألم الغربة مضوي جبينك
لافرحان
بغربة وطنك
لا زعلان على صبر سنينك
..وجعك
...جرحك
....ألمك
.....تعبك
دمعة عين كاتماها جفونك
دايما في نظراتك بسمة
ونظرة حنينة على شفتينك
وحالك دايما شايل هم
.... لكن ما همك
وتمسح جرح مسربل دم
.... ونازف دمك
ياإنسان يا روعة وقامة
يا مرسوم في جبينك هامة
رغم البرد وقساوة الفرقة
وصوت الخوف وازيز الطلقة
..... والمجهول
ونكهة شوق لريحة الجبنة
تدغدغ في اوتار الغربة
وريحة الضحكة مع الاصحاب
دعاش المطرة الشايلة سراب
... ولمة ونسة
ودقة زول في خشم الباب
...................
وعايشة معاك الدنيا الواعرة
يوم تديك رشفات من فرحة
وباقي سنينك اه وعذاب
.... لكن مصبر
وشايل الذكرى زوادة
ورامي همومك في السجادة
وألمك تحتك خاتي وسادة
وعشمك بكرة....
أكيد الضلمة وراها النور
و اخر السكة فرح وزهور
ونهاية الشارع
أول لفة يمين..
جمب الجامع ...
أول بيت قدامو حديقة
البيت البعدو .. تالت بيت
تدق الباب ..
حتلقى الدنيا هناك راجياك
وفاتحة الحب أحضان
... وتضحك ليك
وتسمع منك قصة صبرك
وتمسح عنك غصة همك
...وتبعد ألمك
وتقول في سرك
.. يا الله...
وتمرق اخر زفرة وجعة
وتطلع من عينيك الدمعة

الموضوع: صامد في الغربة

أدوات الموضوع

صامد في الغربة

المفضلات

المفضلات

ضوابط المشاركة


	02-11-2005 03:40 AM #1 كندشة الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Nov 2004 الدولة ماليزيا المشاركات 397 صامد في الغربة قريبا ان شاء الله النفس ما حملتها تتحمل وللدهر أيام تجور وتعدل وعاقبة الصبر الجميل جميلة وأفضل أخلاق الأنام التجمل رد مع اقتباس


	02-11-2005 10:35 AM #2 ابراهيم الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Nov 2003 الدولة مدني الجميلة/جزيرة الفيل المشاركات 4,172 الغالي ..... w4mee كل عام وانت بخير شحتفنا والله نحن منتظرين وأنا هل كنت إلا ألقاً ذاب في عينيك وهجاً أبديا او فتوناً فوق خديك إنتشي بهجة عاد بها الحس إليا رد مع اقتباس


	05-11-2005 09:07 PM #3 aborawan الملف الشخصي مشاهدة المشاركات عضو ماسي Array تاريخ التسجيل Nov 2003 الدولة بلادي حلوة راجع ليها ودار الغربة ما بترحم المشاركات 6,553 w4mee نحن منتظرين ياصاحب الهم ان الهم منفرج ابشر بخير فإن الفـارج الله اليأس يقطع احياناً بصاحبه لاتياسـن فـإن الكافـي الله الله يحدث بعد العسرميسـرة لاتجزعن فـإن الصانـع الله اذا بليت فثق بالله وارض به ان الذي يكشف البلوى هو الله والله مالك غير الله من احـد فحسبك الله في كـل لـك الله رد مع اقتباس


	06-11-2005 08:53 AM #4 saly الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل May 2005 الدولة جامع الحكومه - حي المدنين المشاركات 1,117 اصلك عاوز تكتب شنو ورينا الفكره يمكن نساعدك ادينا خيط ما كل مره نفتح نلقاهو فاضي *Am gonna miss every one in here * رد مع اقتباس


	07-11-2005 02:06 AM #5 كندشة الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Nov 2004 الدولة ماليزيا المشاركات 397 ابراهيم أبوروان سالي كل عام وكل الاماني المستحيلة ثصبح حقيقة وكل عام كل الامور المحزنة يبعد طريفة وكل الحياة تصبح أمل وكل عام وانتم بخير واسف جدا على الشحتففة بس قصدي التشويق بالاضافة الى اني كل مرة بنسى القصيدة في البيت وللاسف انا ما حافظها لكن وعد مني حأكتب واتمنى انها تكون على قدر التشويق وتدوني فيها رايكم بصراحة ياسالي اشكرك جدا على العرض بتاعك والمرة الجاية ما حتلقيهو فاضي بس ما تزهجي مني انا ما بقدر على زهجكم بثنفسك.. لحظة زفيرك .. شهقتي وبتحسسك ... في حتة جواك حقتي رأيك شنو؟ أكتب عليك: ممنوع دخولك .. ومرقتي وأقفل عليك كل السكك ! يا سكتك ... يا سكتي... وانتظروني قريبا في صامد في الغربة التعديل الأخير تم بواسطة كندشة ; 11-11-2005 الساعة 11:50 PM النفس ما حملتها تتحمل وللدهر أيام تجور وتعدل وعاقبة الصبر الجميل جميلة وأفضل أخلاق الأنام التجمل رد مع اقتباس


	07-11-2005 07:05 AM #6 saly الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل May 2005 الدولة جامع الحكومه - حي المدنين المشاركات 1,117 بثنفسك.. لحظة زفيرك .. شهقتي وبتخسسك ... في ختة جواك حقتي رأيك شنو؟ أكتب عليك: ممنوع دخولك .. ومرقتي وأقفل عليك كل السكك ! يا سكتك ... يا سكتي... الله عليك كلام حلو الله وخصوصا اكتب عليك دي ويلا المره الجايه خت القصيده في جيبك عشان ما تنساها تاني *Am gonna miss every one in here * رد مع اقتباس


	11-11-2005 11:45 PM #7 كندشة الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Nov 2004 الدولة ماليزيا المشاركات 397 حزنك ساكن في نو ر عينك وألم الغربة مضوي جبينك لافرحان بغربة وطنك لا زعلان على صبر سنينك ..وجعك ...جرحك ....ألمك .....تعبك دمعة عين كاتماها جفونك دايما في نظراتك بسمة ونظرة حنينة على شفتينك وحالك دايما شايل هم .... لكن ما همك وتمسح جرح مسربل دم .... ونازف دمك ياإنسان يا روعة وقامة يا مرسوم في جبينك هامة رغم البرد وقساوة الفرقة وصوت الخوف وازيز الطلقة ..... والمجهول ونكهة شوق لريحة الجبنة تدغدغ في اوتار الغربة وريحة الضحكة مع الاصحاب دعاش المطرة الشايلة سراب ... ولمة ونسة ودقة زول في خشم الباب ................... وعايشة معاك الدنيا الواعرة يوم تديك رشفات من فرحة وباقي سنينك اه وعذاب .... لكن مصبر وشايل الذكرى زوادة ورامي همومك في السجادة وألمك تحتك خاتي وسادة وعشمك بكرة.... أكيد الضلمة وراها النور و اخر السكة فرح وزهور ونهاية الشارع أول لفة يمين.. جمب الجامع ... أول بيت قدامو حديقة البيت البعدو .. تالت بيت تدق الباب .. حتلقى الدنيا هناك راجياك وفاتحة الحب أحضان ... وتضحك ليك وتسمع منك قصة صبرك وتمسح عنك غصة همك ...وتبعد ألمك وتقول في سرك .. يا الله... وتمرق اخر زفرة وجعة وتطلع من عينيك الدمعة النفس ما حملتها تتحمل وللدهر أيام تجور وتعدل وعاقبة الصبر الجميل جميلة وأفضل أخلاق الأنام التجمل رد مع اقتباس


	12-11-2005 12:37 AM #8 كندشة الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Nov 2004 الدولة ماليزيا المشاركات 397 رايك شنو في القصيدة يا سالي ورايك شنو اكتب عليك ممنوع دخلك ومرقتي وافتح ليك كل السكك وكل الود التعديل الأخير تم بواسطة كندشة ; 15-07-2009 الساعة 11:05 AM النفس ما حملتها تتحمل وللدهر أيام تجور وتعدل وعاقبة الصبر الجميل جميلة وأفضل أخلاق الأنام التجمل رد مع اقتباس