هل يمكن ان يكون القلب لكونده

[امير عبدالباقي]

احبتي الاعضاء كم اشتقت لكم بعد انقطاع دام طويلا وذلك لظروف قاهره ابعدتني عنكم ولكن دائما في الوجدان والخاطر
اتواصل معكم بموضوعي ده واتمني منكم المشاركه والمناقشه
الموضوع هل يمكن ان يكون قلب الانسان كل يوم يحضن شخص ويبادله الحب ويشعرك بانك انت الاوحد في دنياه وتكتشف بعد ذلك ان كل مايقال يقال لغيرك في نفس الوفت ويتواصل معاك ومع الاشخاص اخرين بنفس المشاعر المتدفقه من العواطف الجياشه حتي ياخذك اليقين بانك الاوحد في دنياه
زمان اهلنا قالو( ركيب سرجين وقيع ومسيك دربين ضهيب ) هل اصبحت المشاعر الجميله لعبه ولاهي هوايه لتقضيه الوقت فقط ام للذي يقول لكلام اجمل للتواصل معه افتونا وناقشونا
لكم كل الود احبتي

[saly]

اولا
حمد الله علي السلامه
والبركه الشفناك طيب ابو ريان

.................................................. ........................................
.................................................. .........................................
.................................................. .......................................
.................................................. .........................................
.................................................. .........................................

وراجعه

[مكتول مدنى]

والله اخى امير اللوكندة بطبيعه الحال اصغر بكتير من الفندق يعنى فيها ما اكتر من 20 غرفة يعنى قول 40 نفر بس لكن فى قلوب دفتر تلفونات بس دفتر سوداتل داك ابو الف ورقه و2 مليون اسم والزى ديل بلعبو باسم الحب وهو عندهم حب و يتفاخرو بان انا بحب عشره و خمسطاشر كان انك تكون بتعرف 15 بنت او ولد فخر ليك وهم بقولو انا بحبهم كلهم لكن انا بقول دى معرفة ما حب لان القلب ما بحب الا واحد بس
دمت

[أبوريلان]

الأخ الغالى

أمير عبدالباقى

أولا حمدا على السلامة وبركة الجيت وإنشاء الله تانى ما تغيب ، تحايا تتطاول ولا تطولك ، تطل علينا من تحت الظلال وهاهي مواضيعك المميزة تظلنا مرة اخرى بعد خروجك من المحراب ، كل عام وأنت والأولاد بألف صحة وعافية ، ولنا عودة بإذن الله مرة أخرى .

[امير عبدالباقي]

الاخت سالي الله يسلمك وسوف احاول ان اكون معاكم دايما ونتمني ان تدلي بدلوك
الاخ مكتول مدني
مشكور ياحبيب علي المشاركه لكن فعلا دي مصيبه انو الواحد يكون بحب كميه بالشكل ده في نفس الوقت الايكون عندو انفصال في الشخصيه ربنا يشفي

[امير عبدالباقي]

الحبيب الغالي ابو ريلان
الشوق بحر كيف اخبارك والاولاد
نتمني ان تناقش في الموضوع

[أبوريلان]

الغالى علينا أمير الحسن

لوكاندة بس ، قلب الرجل فندق لا حدود لحجراته , وغرفه وقاعاته , يفتحها جميعا أمام كل إنسان يحمل اسم إنثى , هو فندق يتسع لكل الزائرات العابرات منهن والمقيمات , يدخلنه ساعة يشأن ويخرجن منه ساعة يشاء هو , كل نزيلة في الفندق تعتقد إنه لها وحدها تظنه حجرة واحدة فقط , أو قاعات متعددة لها وحدها فقط , لكن الفندق للجميع لها ولغيرها , تلك شريعة قلوب الرجال أن تكون فندقا لكل أنثي تقيم فيه ساعة أو يوما ً , أو شهرا ً , أو دهرا ً, ثم يأتي الرحيل ، وينطبق على المرآة كذلك ، أخى أمير هذه ثقافة هذا الجيل ولكل جيل ثقافته ، ممكن تقول عليه تفاخر أرصدة لعلاقات حميمة أو صداقات رقيقة .

[aborawan]

الغالي امير بزيارتك بيتنا نور والله نور وكلو زينة ولك من شخصي تعظيم سلام بمناسبة الاطلالة من جديد

امير انتا ما حاسي انو اللوكانده دي بتكون صغيرة وما بتشيل كتير زي الفتيل ما بشيل كتير
كان تقول فندق او اجنحة فندقية او شاليهات والمسمى الصحيح هو ناطحة سحاب لما فيها
من الغرف التي لا تعد ولا تحصى فقد اصبحت القلوب في هذا العصر عصر العولمة والانفتاح
كناطحات السحاب وتجد سكان القلب من مختلف الاعمار والالوان والجنسيات نفس الكلام الذي
يقال هنا تجده هناك ومن هنا وهناك الى هناك يصبح الكلام نفس الكلام والنظرة نفس النظرة
(( الكلام ده عن تجربة شخصية يا امير ))
بس عزيزي امير الحكاية دي ممكن تكون مرض في تكوين الانسان ام انها حاجة طبيعية لزمن الانفتاح
الاحنا فيه ده ؟؟؟؟؟

عارف يا امير هي تقريباَ مرضة وما مرضة ، يعني مثلاً تحس انو الشاب من يصل مرحلة البلوغ ببقى بحاول يكون فكرة مستقبلية عن حياتو الزوجية وكده وكل الفترة دي تلقاهو شغال شغل فندقي مرة فلانة دي مرة فلانة ديك يعني بحاول يختار رفيقة المشوار بعناية فائقة وجد ما بتلام على كده عشان الحياة المستقبلية دي عايزة اختيار سليم لشريك المستقبل عشان الواحد يتحاشى المشاكل والنكد لكن المصيبة ان يتواصل الحال كما هو عليه بعد الزواج ودي هنا ممكن اقول ليك عليها انها مرضة لابد من العلاج والشفاء منها .
اي كلمة حب او مشاعر حلوة لانسان متزوج من الاحق بمثل هذه الكلمات والمشاعر بالله عليك اخي امير ؟
بالتاكيد اجابتك هي زوجتي احق بمثل هذه الكلمات وايضا للنساء زوجك هو احق بمثل هذه المشاعر والكلمات التي اصبحت تتوزع من غير حسابات ولا مراجعات للنفس لاي شخص دون سابق معرفة او صلة قرابة

نسال الله ان يحفظنا جميعا وان يهدينا لما فيه صلاح نفوسنا


خارم بارم
الزمن ده يا امير نص متر القماش بقى يلبس دولة كاملة
والقلب بقى فيه عشرمية وطاشر دشليون نفر
ولسه الدنيا ياما توري ونسال الله السلامة

شكرا يا قلب وعليك الله وحلفناك ما تتنقطع مننا تاني قدر ده كلو

تحياتي

[sambaaa]

الأخ الغالى

أمير عبدالباقى

أولا حمدا على السلامة وبركة الجيت وإنشاء الله تانى ما تغيب ، تحايا تتطاول ولا تطولك ، تطل علينا من تحت الظلال وهاهي مواضيعك المميزة تظلنا مرة اخرى بعد خروجك من المحراب ، كل عام وأنت والأولاد بألف صحة وعافية ، ولنا عودة بإذن الله مرة أخرى .

الاخ امير / حمدلله على السلامة ..

الموضوع جد كبير .. واكيد لي عودة

[الـــدباغ]

أميــــــــــــــــــــــــر حمدا لله على سلامة وصلك .... مالك جيت تشتكي إنشاء خير ..... معاك عضو جديد جدا وأحب أن أقف بجوارك

أعتقد إنو الإنسان عندو المقدره والوعي الكامل في قصة الإختيار والناس البتبادل كم واحد بنفس الإحساس والميول .... الزمن جدير بأن يخبرهم ما

أتي به فعلهم المشين .... بس الناس أصبحت بعيده جا عن الحقيقة والوعي ... يا حليل زمان حبيبتك ما تشوفها إلا في المنام أز بعد الزواج

أما بالنسبه لقصة الحب الأول ومستحدثات العصر الحديث ... الذي قرب كل المسافات والناس إستثمروا قرب المسافة وغياب الرغيب .... الخ

أنا عندي شويه إستفهامات كايس الإجابه :

نقل فؤادك حيث شئت من الهوى ...........ما الحب إلا للحبيب الأول ......... كم منزل في الأرض يألفه الفتى ................ وحنينه أبدا لأول منزل

هل صحيح أننا لا ننسى حبنا الأول ، وأننا نظل نحمله في جوانحنا طوال العمر، حتى لو أصابه الفشل كما يصيب أغلب حالات الحب الأول؟!

وما السر في أن هذا الحب الذي يحدث مع تفتح الوعي للمرة الأولى على الحياة يظل كامنا في النفس كالأصل الذي لا يقبل الفناء؟!

هل يمنعنا الحب الأول من أن نحب بعد إنتهائه؟

وهل نظل في شوق إلى محبوبنا الأول بالقياس إلى أي محبوب نقع في غرامه بعد ذلك؟

هل يظل المحبوب الأول كالحب الأول هو النموذج الأعلى الذي تتضاءل إلى جانبه كل النماذج اللاحقة في الحب؟

هل يعتبر هذا سذاجة عاطفية أو الرومانسية التي سرعان ما نغادرها حينما نفارق عالم الصبا وندخل عالم النضج؟

وهل للحب الأول وجود حقا أم أنه مجرد وهم نصنعه لأنفسنا في مرحلة الأوهام من حياتنا؟


أخوك .... الدباغ

[مكتول مدنى]

اخى الدباغ تحياتى
نقل فؤادك حيث شئت من الهوى ...........ما الحب إلا للحبيب الأول ......... كم منزل في الأرض يألفه الفتى ................ وحنينه أبدا لأول منزل
والله الكلام حسب علمى صحيح 100%100 لان الحب الاول لما يجى بلقى القلب فاضى كفؤاد ام موسي ولما الحب انتهى اذا قدر الله ذلك بكون اخد مساحة تكاد تقارب التلاتة ارباع القلب واى حب يجى بعده يلقى المساحة بسيطة ودايما الحبيب لو شاف حبيبه الاول بتمسكم الاتنين رجفة ولو بعد 100 سنه من نهايه القصة
السؤال التانى لا يمنعنا الحب الاول من اننا نحب تانى لانو لو بمنع ما كان فى حاجه اسمها الحب الا عند فئة سنية معينه من سن 17 لى سن20 ودى البكون الواحد او الواحده حب فيها المرة الاولى واخد اول شاكوش وتانى ما حب بعد داك
طبعا للحب الاول وجود ودى ما دايرة سؤال لانك لو حبيت عمرك 10 سنه حيكون الاول ليك ولو حبيت عمرك 100 سنه برضو حيكون الحب الاول ليك لان لكل شئ بداية كما له نهاية والله ما جاب النهاية المؤلمه
ارجو انى اكون اوضحت
وهاك الاغنيه دى حبيبنا الاولانى
http://9q9q.com/get.php?filename=1138602117.wma[/sound]]حمل من هنا وورينا رايك

[امير عبدالباقي]

احبتي ابوروان
سامبا
الدباغ
مكتول مدني
كم افرحتني مشاركاتكم القيمه ، لكن جد دي مشكله كبيره
بعدين يادباغ الحب الاول بختلف مهما كان العمر كبير او في طور المراهقه لانو الاحساس تملكك ،لكن الشي البقصدو انا ان الانسان يحب كم شخص في نفس الوقت ويكون بيتكلم مهم في نفس اللحظه ويطبعهم بنفس المشاعر ده تقول عليه شنو ، وبعدين اذا كنت بتحب شخص وفارقتكم الايام بدون رجعه ممكن بعد اندمال الجروح تحب ولاغضاضه في ذلك ؛ [b]

[ابراهيم]

الغالي .. الحبيب
أمير
سلامات واشواق
وبركة الشفناك طيب

[محمد احمد]

أخي امير عبد الباقي في البد حمداً لله علي الإطلالة البهية التي اثلجت صدورنا
لي جانب آخر للنقاش وهو ليس بعيداً عن لب الموضوع هل ضاعت تلك الفتاة والتي
وصي عليها ديننا الحنيف وسط الزحام ووسط هذه الثورة المعلماتية واصبحت تلك
الكلمة المعسولة كلمة الحب رخيصة او بالاحري بلا ثمن وهو كذالك حديث ينطبق علي
شاب هذا العصر وهذا مرض خطير ان صح التعبير يتطلب منا وقفة جادة للنقاش

أخي امير عبدالباقي حتي لا أذهب بعيداً عن الاجابة عن سؤاليك في الموضوع
اقلولك عن الحالة الاولي حالة نفاق
اما عن الشق الثاني عن السؤال فالتسامح

[مزوني]

حبيبنا الغالي أمير عبدالباقي

الحمدلله على السلامه وبزيارتك المنتدى فعلا نور

وجيه ماشاءالله عليها ما تحتااااااااااااااااااااااااااج وعقبال ما بتنقطع مننا تاني انشاءالله

اما بالنسبه للموضوع فحدث ولا حرج

انتو عارفين المصيبه وين؟؟ احنا كلنا كنا بنقول ان الجيل الجديد كلو القايم بالمصايب دي ,,,,,,, لكن المصيبه انو في ناس كبار

والمفروض تنطبق عليهم كلمة واعين تلقاهم شغالين لعب عربي وأفرنجي كان من ناحية الاولاد او كان من ناحية البنات

الأولاد تقريبا معروفه عنهم حاجه زي دي نوعا ما شي عادي

لكن اخواتنا البنات يعني حتى البتلعب بي كميه من الاولاد تلقى الكلام دا محصور عند البنات بس ونادرا ما بطلع

لكن حسه تجي بنت وتقولها علني وقدام الاولاد انا حابه لي دسته وتلاته ( اللي هي 15 تقريبا صاااااااااااااااااح)

وغيرها كتيييييييييييير من مصايب اللعنه اللي حلت علينا و وقالوا مسمينها العولمه

ربنا يستر على بلدنا وعلى كل شباب بلدنا

وتسلم كتير أخوي امير على الموضوع وربنا يديك العافيه يا حبيب يا غالي

[امير عبدالباقي]

الحبيب الغالي ابراهومه مشتاقين ياحبيب كتير ودائما في الخاطر
الاخ محمد احمد مشكور كتير علي المداخله الحلوه ويديك العافيه
حبيبي مزوني تسلم ياغلي

[روبش]

العزيز / امير .....
بزيارتك المنتدى نور ... والله نور
والبركة الجيت ... بركة الجيت
الموضوع فعلا يستحق المناقشة ... ولكن .. هنالك مراحل لابد للانسان ان يمر بها ...
بداية المراحل هي المشكلة الحقيقة لكل فرد منا .. تجاوزها يختلف من انسان لاخر ... يوجد الانسان الذي لم يتعرف قط على فتاة ... ويوجد اخر ... يريد اشارة بتاعت مسح من القائمة لادراج اسم اخر .. هذا ايضا يختلف من شخص لاخر ... فالمعايير تختلف باختلاف الطباع
يوجد من حبه من اول نظره واستمرت العلاقة حتى انتهت للزواج .. ويوجد من عشق وحب وانتهت العلاقة باختلاف بين الاثنين ... والفئة السائده هي المغلوب على امرها ...
الموضوع يا امير طويل بس بنقول في النهاية وما الحب إلا للحبيب ( الأولي )
يعني زول النظرة الاولى ... وهو اختيار القلب الصافي

[صالح ابوشوارب]

الاخ امير البركة من الفكة أنا عارف وانت عارف

بخصوص القلب اللكوندة انا عندى كـــــــلام تاني

القلب اللكوندة تلقاهو عند النساء اكثر من الرجال
وهو انواع ودرجات من نجمة الى خمسة نجــــــوم

مثلا واحدة عندها واحد للجكسي والتاني للببسي والتالت للبكسي
والرابع مغترب مغفل يرسل ويكسي وفي الآخر يعملوا صيانة للقلب
ويسلموهو لواحد قاعد في الحفلة في كرسي وصاحبتك فى كرسي
أما ناس الجكسي والببسي والبكسي والبرسل بيكســـــــــــــــــي
قاعدين في الحفلة بيغنوا ( في الليلة ديك )

اما زولــــــــة القلب المفتوح
وزولـــــــــة القلب اللاسلكي
وزولـــــــــة القلب الماسنجر
وزولة قلب الرسايل الخاصة
فنادق على الهـــــــــــــواء

[saly]

الاخ امير البركة من الفكة أنا عارف وانت عارف

بخصوص القلب اللكوندة انا عندى كـــــــلام تاني

القلب اللكوندة تلقاهو عند النساء اكثر من الرجال
وهو انواع ودرجات من نجمة الى خمسة نجــــــوم

مثلا واحدة عندها واحد للجكسي والتاني للببسي والتالت للبكسي
والرابع مغترب مغفل يرسل ويكسي وفي الآخر يعملوا صيانة للقلب
ويسلموهو لواحد قاعد في الحفلة في كرسي وصاحبتك فى كرسي
أما ناس الجكسي والببسي والبكسي والبرسل بيكســـــــــــــــــي
قاعدين في الحفلة بيغنوا ( في الليلة ديك )

اما زولــــــــة القلب المفتوح
وزولـــــــــة القلب اللاسلكي
وزولـــــــــة القلب الماسنجر
وزولة قلب الرسايل الخاصة
فنادق على الهـــــــــــــواء

ههههههههههههههههههههههههههههههههههههههه

عم صالح اذا سمحته لي اناديك بعمي (( احتراما لشخصك ))
تعليقك رهيب
احلي من الموضوع نفسو
الله يديك العافيه بس

[خالد حمد موسى]

الغالي امير

حمدلله علي السلامة وبركة الشفناك طيب

وان شاءالله تكون عودة بلا انقطاع

حقيقة القلب اصبح اكبر من اللكوندة

وجد يعني سوي كان رجل ام بنت واحد

الاثنين مع بعض ممكن يكون لكل فرد عددية

كبيرة جدا لكن كمان بنرجع انه القلب مابشيل غير واحد

واما الباقي ده يمكن يكون الكل مرة بتجارب مثل هذة قبل الزواج

لكن بعد الزواج تسمة خاينة وهذة المصيبة .

وصراحة الناس اتغيرت كثير من زمان

نسال الله ان يحفظنا جميعا وان يهدينا لما فيه صلاح نفوسنا

[امير عبدالباقي]

الاخ اسامه (روبش )
لك كل الود ومشكور علي علي الطله البهيه ، فعلا توجد معاير كثيره لكن لاتعطينا ان نكون كل يوم او كل ساعه كما قال اخونا ابوشوارب مع حبيب او جكسي وتقال لهم التعابير المعسوله جكس الحفله وجكس الونسه والي اخره الله يحمينا ويحميكم
الاخ خالدونا مشكور علي المشاركه والله دي مصيبه ان تحاول فقط لو محاوله وتشرع في ان تحب بعد الزواج دي ام الخيانات
الاخت سالي مشكوره علي المشاركه لكن نرجو المشاركه برائك وليس بالاقتباس
لكم كل الود

[صالح ابوشوارب]

الابنة سالى

شكرا لتعقيب التعقيب
والتعقيب انت فهمتيهو بالتعقيب
اما انت يا امير طناش
بكرة بيجى الخريف واللوارى بتقيف

[بابكر]

اميرنا الرائع والله ليك وحشه 00وشوقنا لك

وتعال ياأخوى انت باين عليك واخد شاكوش مدنكل اليومين ديل