في ضميرك
في ضميرك سر كتمتو
بس مشاعرك ليه تخونك
حبي ظاهر وانت حبك
شايفة باين في عيونك
* * * * * *
في عيونك كلمة سارحة
والفؤاد عايش عليها
في اه يانور عيوني
في اه لوبحته بيها
دة الفؤاد عطشان وحاتك
شاف منابع ريدة فيك
* * * * * *
أنت مهما صنت سرك
اومنحتة علي قلبك
مستحيل تمنع عيونك
أن تعبر لي محبك
مستحيل تكتم مشاعرك
مستحيل تخفيه حبك
* * * * * *
من زمان نادي صمتك
من زمان نادي ليك
من زمان حبيت دلالك
والصفات الحلوة فيك
واكتفيت بسر عيونك
من بعيد يشغلني بيك
* * * * * *
رد مع اقتباس
المشاركة الأصلية كتبت بواسطة نسرين
المفضلات