قسم جديد للاغاني

[admin]

ايه رايكم يا شباب نعمل قسم داخل المنتدي الثقافي يكون خاص بالاغاني بس .. ارجو التصويت علما بان اخر يوم للتصويت هو يوم الاثنين القادم20/2/2006م

[أبوبكرحامد]

والله ياأبوبكر كان فى بالى الإتصال بك هاتفياً بخصوص هذا الموضوع وموضوعات أخرى ، وزى مابقولو أهلنا المصريين " القلوب عند بعضيها" ودى طبعاً مافيها شك لأنو موقع ودمدنى أصبح لينا ملاذ آمن لتفرده بروعة الأعضاء وجودة الموضوعات ، إضافةً للشكل الفنى المتميز ، فإلى الأمام ياحادى الركب حتى مطلع النصر.
ود الماذون

[أبوريلان]

يا أبوبكر نؤيدك ونبصم لك بالعشرة ، وياريت لو تعمل المنتدى الإسلامى ومنتدى المرأة .

[اميمه عشريه]

اي والله يا جماعه لانو احيانا كده بدخل المنتدي بحس اني قاعده في ميدان ابو جنزير بشرب في عرديب من اخصائي العرديب والاغاني ملعله .. ما ممكن ياخي الاغاني تنافسنا كده والله لمن بحصل لي زغلله في اضاني هاها نؤيد الفكره تأييدا تاما

[sambaaa]

والله ياأبوبكر كان فى بالى الإتصال بك هاتفياً بخصوص هذا الموضوع وموضوعات أخرى ، وزى مابقولو أهلنا المصريين " القلوب عند بعضيها" ودى طبعاً مافيها شك لأنو موقع ودمدنى أصبح لينا ملاذ آمن لتفرده بروعة الأعضاء وجودة الموضوعات ، إضافةً للشكل الفنى المتميز ، فإلى الأمام ياحادى الركب حتى مطلع النصر.
ود الماذون

تسلم يا حادي ركبنا الأمين .. وربنا يوفقك اكتر واكتر ..

ويا ريت لو شامل للفيديو كليب والأفلام ..

اي والله يا جماعه لانو احيانا كده بدخل المنتدي بحس اني قاعده في ميدان ابو جنزير بشرب في عرديب من اخصائي العرديب والاغاني ملعله .. ما ممكن ياخي الاغاني تنافسنا كده والله لمن بحصل لي زغلله في اضاني هاها نؤيد الفكره تأييدا تاما

[خالد حمد موسى]

الأخ الحبيب أبوبكر

عساك علي مايرام . ودة مفروض أحصل من زمان

وياريت لما تفتح قسم جديد يكون مفصول لي حالة تماماً

مازي قسم الالعاب داخل الكمبيوتر كدة ماجميل .

الأجمل تكمل الروعة ويكون القسم من واجهة المنتدي الخارجي

يكون معروف دة القسم الفلاني ونتمني ليك كل التوفيق

وكن علي افضل حال .

[esmat]

مدني الجمال والثقافة والفن "وكل جميل سوداني الصغير" من المفترض من زمان أكون القسم موجود ومع احترامي لكل الشباب الموضوع ده ما عايز ليه تصويت فنحن اهل الفن ومن المفترض أكون لينا قسم خاص بالأغاني
وشكراً ليك علي الفكرة الجميلة ديه

[مهيرة]

مــــــــعا

[سوباوي]

المتفاني أبوبكر ..

منك دوماً يختط الإبداع مساره . . كما أنك دوماً تأتي وفقا للتوقع ...

أضم صوتي لصوت كل الأخوان ...

وأثني على رأي الرائع .. خالد حمد موسى

تحياتي،،،

[bakri]

والله دة كلام جـــميل جد

وفعـــــلا دة المـــــفروض احــصل من زمااااااااااان

[الشريف الهندي]

رائع جدا والله أن يكون قسم الأغاتي خاص بها حيث تتمكن من الحصول على ماتريد بسهوله
وبالتوفيق دائما

[114]

نؤيدكم
ونشد من أزركم
ونقف خلفكم (بالمرصاد)

دي بتذكرني أيام بدايات مايو، وعبارات التأييد، والتي منها بعض المضحك (مثل العبارة أعلاه)، يعني شغل كده زي شغل حلاق الجامعة
شكرا يا إدارة، وعهدناك دائما المبتكر

[مهيرة]

شنو يا admin
الأغانـــي انسحبت
والقسم الجديد لم يظهر
فتشنا للطرب الليلة ما لقيناهـــو

[m_aminhasan]

لا أؤيد عمل منتدى غنائي في هذا الموقع الرائع بصراحة لانو الواحد بيهرب من مواقع الأغاني والشات ويستظل في هذا الموقع الرائع لان كل المواقع السودانية بصراحة فشلت في موضوع استضافة الأغاني الى مواقعها ايا كان نوعها فهى لا تفي بالغرض فأما مدينتا للجميلة هذه فنترك لها حالياً الإهتمامات في تعميق الروابط مابين الوطن الصغير - مدني - التي جنى عليها في عهد الإنقاذ ودمرت كل مرافقها وبين انسانها الذي تركها عندما شرّد منها عنوةً . .........
وتحياتي .

[ياسر فقيري]

دا كلام صاح .. ودوماً إلى الأمام

[الامين]

ياخوانا ماقلنا مافي داعي ... مالكم رديتو زي البرق على موضوع الاغاني ...
أهم مننا ولا شنو
التجاهل أكعب من كل حاجة ياخوانا

مالك ياناس مدني

ياالمن المفترض تكوني رائعين ؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!! !