كورة الهلال والوداد الليلة ياجماعة !

[عمك تنقو]

الهلال والوداد المغربي اليوم
بتوقيت متأخر
منقولة علي قناة art المشفرة
علي الدور ربع النهائي في بطولة العرب
سهرة جميلة وفوز وفرح لأهلي في السودان انشاء الله

[الامين]

بسم الله الرحمن الرحيم


ياربي ممكن يوم نبقى زي روعة المصريين وهم بيشجعوا فريقهم حتى النخاع

معقولة ممكن نبقى زيهم يوم من الايام ..................
ماتزعلوا مني وتقولوا المصريين مابعرفوا حاجة
والله والحق يقال ............. في مجال الرياضة الشفناهو واحنا معاهم هنا ماحاجة ساهلة اصلوا

وطنية حتى من البنات عمر 9 سنوات

ياريت لو يكون عندنا حب عظيم لارضنا بالشكل الغريب ده

[ابراهيم]

أما بعد

مبرووووووووووك لهلالنا

الاولاد اتصنددوا والله وانتهت المباراة بـهدفين للهلال مقابل تلاتة اهداف للمغاربة

وبهذه النتيجة يصل الهلال للدور قبل النهائي عقبال كاس ابطال العرب انشاء الله يجي السودان

وقد احرز الاهداف كل من النيجيري كلاتشي وقدوين

الف مبروووووك

[سمل الحلفاوى]

الف الف مبروك لسودانا ولهلالنا

[مزوني]

مبروك للهلال

وانشاءالله يتقدم أكتر وأكتر

[عمك تنقو]

مبروك للهلال ولجماهير الكرة السودانية
فرح قادم من الأطلسي المغربي من أولاد الهلال
شكرا لكم لقد محيتم خيبات الهزائم التي لا زمتنا طويلا
أذهلتم معلقي القناة الناقله ال A.R.T
وأذهلتم لاعبي الوداد
كنتم المارد الهلالي الذي غاب عن الأذهلن سنوات وسنوات
وغاب الساحة السودانية
ذكرت الفضائيات الخارجية أن السودان قادم بقوة
ومؤهل للنهائي
وألف مبروك يا أولاد
لقد أعدتم لنا الهمة والنخوة والرجولة
عادت الكرة السودانية لمجراها الطبيعي
هذه الأسطورة التي غابت سنوات

شكرا للهلال

[عمك تنقو]

ولا يفوتني أن أهنيء إخوتي جميعا في المنتدي وعلي رأسهم :
الأمين
إبراهــيم
وسمل الحلفاوي
ومزوني العسل
الذين كانوا معي في هذه السهرة الجميلة
ولو من البعد

مبروك عليكم

[عماد الصادق]

مبروك للسودان
مبروك للهلال
وإلى الأمام

[مكتول مدنى]

الف الف مبروك لفتية الموج الازرق الاشاوس الذين قهروا المستحيل ووصلوا لهذه المرحلة المتقدمة فى المسابقة وعقبال الكاس ان شاء الله وكمان عقبال اخواننا المريخاب

[زيكو منيب]

الف الف مبروك لفتية الموج الازرق الاشاوس الذين قهروا المستحيل ووصلوا لهذه المرحلة المتقدمة فى المسابقة وعقبال الكاس ان شاء الله وكمان عقبال اخواننا المريخاب