صيحه لأهل المنتدى

[نزار]

بدأت تنتابني موجه من الحزن والالم وانا أطالع منتدى ودمدني في الاونه الاخيره
لماذا قل عطاؤكم إخوتي ماذا دهاكم
هل انشغل الناس ام انعدمت الفكره
كل المشاركات إنحصرت في بعض الاخوه الحادبين على مدني
ولا يعني هذا ان البقيه غير حادبه على المنتدى
ولكن المنتدى من وجهة نظري كشجرة ظليله تسقى بالكلمه وتموت بغيرها
أستيقظوا إخوتي فنحن في انتظاركم

[مااايونص]

سلام نزار
معك حق اخى المشاركات شحيحه جدا جدا ومعظمها منقول
وقلنا قبال كده دايرين حاجات من مدنى من صميم مدنى
والعتب كل العتب على الاخوه الموجودين بمدنى
وبقول ليهم صحوا النوم واكتبوا حاجه اى حاجه

[HAMADTO]

بسم الله الرحمن الرحيم

اعزائي نزار ومايو نص ....
نعم معكم حق قد قلة المشاركات من قبل الاعضاء .....وهناك بعض الاعضاء لهم مدة طويلة من الكتابة للمنتدى ........
لكن لا اظنه تقصيرا منهم او انعدام الفكرة ..... ولكن .......
وموسم الاجازات بدأ والكل مشغول في ترتيب حاجاته " أظن ذلك ".......
ونأمل من الاعضاء الموجودين سد الخانة للشباب الماموجودين ....

وفي انتظار مشاركات الاعضاء الموجودين.......

[السلامى]

سوف اقول لكم كلام اظنكمسوف تعتبرونه غريب تصوروا عندما كنت في الخرطوم وهو مكان عملي كنت يوميا ادخل المنتدي وكمان مرات تتعدي المده الاربعة ساعات في المنتدى ولكن اول ما حضرت الي مدنى فى اجازة اجبارية لم ادخل نت طيلة ثلاثة اسابيع تكون الحكاية اشواق وانتهت ولا حاجه ثانية

[قوقو]

البيات الشتوي لكل عضو فترة انتقالية وفترة تاسيسية وفترة اكتمال جزئي والعمل سيستمر من خلال المنتديات بس الظروف الشخصية تختلف من شخص لاخر والكل لاً ينسى مدني حتى ولو نسيى نفسه.

[rasheed]

بسم الله الرحمن الرحيم الأخ نزار والأخوان طارحي الموضوع معكم حق ولكن من وجهة نظري المتواضعة أظن وحسب ما ينتابني من شعور وهموم تكاد تعصف بالعقل مرات أنو الواحد عاوز يكتب لكن يجي المكتب أو محل النت تطير منو ألف فكرة وبعدين يقعد يطوف في المنتدى زي الماشي من السوق لحي مايو وجاء مشى أم سنط وبعدين مشى النشيشيبة ويلقى الزمن فات وما عندو طريقة عشان كده أنا عندي فكرة يقوم الواحد لو عندو حاجة عاوز يكتبها يكتبها أول بعدين يمشي يشوف الحبايب وين بالله رايكم في الموضوع ده شنو .

[mustafaelgadal]

[QUOTE]كاتب الرسالة الأصلية قوقو
الظروف الشخصية تختلف من شخص لاخر والكل لاً ينسى مدني ... أحيكم جميعاً... و حقيقة الأخ قوقو عبر بلسان حالنا أبلغ التعبير... فقط ظروف تأخذ منا الكثير و لكن الأكثر منه لودمدني بإذن الله..

مع تحياتي...