النتائج 1 إلى 8 من 8

الموضوع: ياخوانا السودان في خطر .. ادعو الله الستر

     
  1. #1
    عضو مميز
    Array الصورة الرمزية الامين
    تاريخ التسجيل
    Jan 2006
    الدولة
    مدني - الدرجة الاولى
    المشاركات
    401

    ياخوانا السودان في خطر .. ادعو الله الستر

    بسم الله الرحمن الرحيم

    اخواني واخواتي :

    " الا ستر الله السودان وحفظه من كل الالام "

    يكفي مايكفي السودان من سنوات المرارة الطويلة من الحروب والنزاعات في جنوبه ...
    وهاهي الان بوادر ازمة ثانية ... تلوح في الافق ... وستكون ..( والله يستر )

    مسألة ارسال قوات الناتو الى دارفور .. سيكون لها اثار ..( الله اعلم بكنهها )

    الا ان الخطر يلوح في الافق ..... وستكون حديث العالم في الايام القلائل القادمة ....

    ( نقلا عن الجزيرة )

    وأوضح برونك أن نشر قوة يسيطر عليها الناتو غربي السودان سيكون "كارثة محتمة" لأن الشعب السوداني سيبدأ بالفعل "الجهاد ضدها". وأضاف أن موقف الخرطوم واضح إزاء نقل مسؤوليات قوات الاتحاد الأفريقي إلى الأمم المتحدة.


    برونك يان: السودانيون سيعلنون الجهاد ضد القوة الدولية (الفرنسية)
    وقال إن الخرطوم تخشى أن تكون عملية نقل القوة مؤامرة للنيل من السودان وجره لوضع شبيه بما يجري في العراق. وفي هذا السياق قال برونك إن لديه معلومات من مصادر استخباراتية مختلفة تشتبه في وجود نشاط لتنظيم القاعدة في السودان.

    هذا ماذكر في الجزيرة :

    والحقيقة ... ان المسألة ستكون لها عواقب اكثر وأكثر

    ربنا يستر ... ويحفظ اهلنا في السودان من كل شر

    حياك رب الحسن يامدني ...... وشداك البلبل الصداح
    حياك لست اعشق في الهوى غير الملاح
  2.  
  3. #2
    عضو برونزي
    Array الصورة الرمزية مكتول مدنى
    تاريخ التسجيل
    Jan 2006
    المشاركات
    613

    لو حدث هذا اخى الامين لاقدر الله فما جدوى وجودنا خارج الديار سنعود الى السودان ونحيله الى قطعة من الجحيم تذيق هذه القوات ما لم ولن تتذوقه فى اى مكان اخر وان شاءالله يجوا ويشوفوا الراجيهم

  4.  
  5. #3
    فخر المنتديات
    Array الصورة الرمزية الزبير محمد عبدالفضيل
    تاريخ التسجيل
    Jan 2004
    الدولة
    من عمق مدني
    المشاركات
    3,359

    اذا دخلوووووووووا ارض السودان سوف تكون مقبرتهم باذن وأحد احد وسوف ينالوا الجحيم في غرب السودان


    كل الاوربيين والامريكان واذنابهم

    حسبي الله لااله الا هو عليه توكلت وهو رب العرش العظيم
  6.  
  7. #4
    عضو برونزي
    Array الصورة الرمزية كاظم
    تاريخ التسجيل
    Jun 2005
    الدولة
    مدني - عووضة
    المشاركات
    681

    ابو اللمين تحياتي يا رجل وخالص الود ..
    كدي خلينا نسأل اول حاجة .. الفوضى دي كلها سببها شنو ؟ تفتكر انو بقدر قادر كده السودان ده بقى مفتوح لكل من هب ودب عشان يقرر يجي ينزل فيهو قواته؟ تفتكر انو ضربة حظ هي الخلتنا عرضة لتدخل اجنبي او غيرو ؟
    بالمناسبة قوات الاتحاد الافريقي البقولو عليها دي ذاتها اكبر جندي فيها بلدو السودان بالنسبة ليها جنة .. شوف المهزلة بالله ..
    والله يا ابواللمين الله يكضب الشينة بس لكن طالما انو بلدنا فيها البثير مطامع المستعمر ما غريب انو تتكالب عليها جحافلهم .. لكن نسأل ويييييين نحن من ده كلو ؟ كدي امسك لي هسي المشكلة في دارفور على سبيل المثال وتقريبا هي الباب الاوسع لدخول الريح .. ونسأل هي المشكلة ذااااااااتها شنو ؟ ابادة عرقية ؟ مشكلة تنمية ؟ اقتسام ثروة وسلطة ؟ تفتكر العناوين دي نسبة صحتها قدر كيف ؟؟؟ انا عشت في دارفور دي سنتين متواصلات من عمري والكلام ده قريب والحاجات دي ما طقشت اضاني من اصلو ..
    حارجع تاني يا باشا
    كيفك انت يا زول وكل الشباب السمحين ؟

    كاظم الزعيم
  8.  
  9. #5
    عضو مميز
    Array الصورة الرمزية الامين
    تاريخ التسجيل
    Jan 2006
    الدولة
    مدني - الدرجة الاولى
    المشاركات
    401

    بسم الله الرحمن الرحيم

    ياابو كاظم ......... كيفك

    طبعا انتا زول خبرتك أكبر مننا في مسالة مشكلة دارفور دي ...
    والحقيقة كل الكلام القلتو صح ....

    مرة كتبت عن مشكلة استخدام لفظة " السودان الجديد" لحظة دخول المفاوضات الاخيرة لمرحلة التنفيذ وجية المعارضة للسودان وكل الامور الحصلت قبل مدة ....

    قلتا ..... ( لانستطيع أن نتقبل استخدام لفظة السودان الجديد " لاننا لم نعهد على الاوضاع الاقتصادية والسياسية في السودان التحول الجذري الذي يمكن من خلاله اطلاق هذا المصطلح الشاذ في قواميسنا المعهودة "


    وانتا سيد العارفين انو .. فعلا هي المشكلة مش مشكلة دخول القوات .. اصلا بلدنا عاملة زي السمكة ... ممكن يصطادها اي زول يمد السنارة .....

    واحنا غرقانيين فعلا زي السمك ....

    بس الله يستر من الصياد

    ..( تحياتي ليك .. الشباب كلهم تمام .... معتز المزمل رجع السودان وتخلى عن القصة العارفها انتا وانا وكتار من الشباب هنا في مصر"

    حياك رب الحسن يامدني ...... وشداك البلبل الصداح
    حياك لست اعشق في الهوى غير الملاح
  10.  
  11. #6
    عضو برونزي
    Array الصورة الرمزية مكتول مدنى
    تاريخ التسجيل
    Jan 2006
    المشاركات
    613

    دى حتكون مجزرة باذن الله للعلوج وما فى اى واحد منهم حيندم على الجية للسودان لانه ما حيلقى وقت للندم لان الميت ما بقدر يندم

  12.  
  13. #7
    فخر المنتديات
    Array الصورة الرمزية 114
    تاريخ التسجيل
    Oct 2003
    الدولة
    ود مدني - 114 ثم عووضه
    المشاركات
    2,588

    هم كانوا نجحوا في العراق عشان يفكروا يعملوها في السودان كمان؟

    روحي ليه مشتهية ود مدني؟
    عمر حسن غلام الله
  14.  
  15. #8
    عضو فعال
    Array الصورة الرمزية رامى طلبه
    تاريخ التسجيل
    Nov 2005
    الدولة
    حى المدنيين - مدنى
    المشاركات
    233

    يا اخوانا شيلو الصبر دى دى جوطه من الامريكان ساكت هم حسه كايسين ليهم طريقه تخارجهم من العراق لمن كمان يجو يدبسو فى السودان ؟

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid