التــــمـــبــــــاك ( الصــعــــــــــود) ( الشمة فى السعودية )

[عمر بابكر]

التمباك.... والصعود.... والسودانين

نجد الكثير من السودانين وهم في الاماكن العامة والواحد بتطلع كيس كبير واصلح ليهو سفة كبيرة وبدون خجل يحطها وكأنو ما عمل اي حاجة !
لو كان فى المواصلات !!! او المكتب !!! او فى الطريق !!! او في الاشارة !!!
وكأن السفة ما تحلا إلا قدام المجتمع
وكأنه بيقول لكل واحد شايفو وهو بخت فى السفة دي انو انت ما تسوي أي حاجة
فلو الناس احترمت الاخرين بالقليل لاحترموهم الناس بالكثير
واصبحت السفة علامة ( دمغة لكل سوداني خارج السودان ) وكأن كل سوداني بسف
وأنا معاكم دي حريات شخصية لاكنها تأثر علي المجتمع
فتخلق سمعة مشينة للجنس والنوع
لما الواحد اجي يفك السفة وهو في الشارع قدام الناس بصورة قبيحة جداً
اول سؤال يمر علي الخاطر ده أصلو من وين وده شنو البعمل فيه بدون خجل ده ؟؟؟؟؟؟؟؟؟؟
ولما الواحد قاعد فى مكتب نضيف ومحل نضيف جداً وتلقاه خته ليو سفة وين بوديها بعد 5 دقائق ؟؟؟؟ اكيد فى محل غير مناسب !!! وبي كده تكون غيرت ملامح السودانين وملامح المحل النظيف الي محل غزر ؟؟
ارجو قليل من الاهتمام رجاءً
أما داخل السودان الامر معتاد عليه بعدم التحضر وعدم اللامبالاه مع انها سلعة رسمية تباع فى الاسواق
وصية اخيرة
اذا كان لا بد من ما ليس منه بد نرجو مراعاة الاخيرين وذي ما انت عند حرية شخصية للاخرين ذيك لاكن ما تأذيهم

[zoolfrda]

أنا معاك يا عمر وعندنا بسبب المابتتسمى دي منعوا أي مشاركة للسودانيين في المجمع السوداني بأبوظبي وطبعا إنت عارف السبب . . الله يعزك بعد ما المناسبة تنتهي يضطروا يغيروا الديكور الداخلي . . ده كلام يا أخوانا

[zoolfrda]

للتصحيح المجمع الثقافي

[Jamal Elmahi]

اللخو ود بابكر...حباب أبوي....
الجاتك في مالك سامحتك ..لكن البتجيك في تمباكك دي الله يكفينا شرّها....
خشومنا دي أأبوي غير التمباك يستاهلن شنو؟؟ السفه حلاتا أأبوي لما تكرضما جوّه الكيس الماخمج...تدردما سمّح..وتحس بي كهربتا في النافوخ تخليهو ينتح..أتح ..أتح ..أتح..قبال ما تختها متل الدقار في الشلوفه....ولما تصل الشلوفه وتقول كدي تديها لكزه بي لسانك تحس بي رقبتك مهوي من الواطه وداير تطيرمتل الحدّيه...والهموم والغمّه الفي راسك تسوح متل الودك وتبدي تترنّم وتغني ...

لون الكاكاو جلّ السواو...
العماري تقيل والجو جو واو
انقلبته كديس ياو ياو ياو

وراجعلك أأبوي كدي النبزق سفتي دي...الكترابه ....الشي رخام ساي وموزايكو ...سفتي دي أبلعا ولاّ الراي شنو....


جمال الماحي

[ابراهيم]

لون الكاكاو جلّ السواو...
العماري تقيل والجو جو واو
انقلبته كديس ياو ياو ياو

ود الماحي دحين الغزل دة كلو فوق العماري

وراجعلك أأبوي كدي النبزق سفتي دي...الكترابه ....الشي رخام ساي وموزايكو ...سفتي دي أبلعا ولاّ الراي شنو....

[معتز حمدتو]

النشوق كما يحلو لاهل السعودية تسميته
الظاهر ياود الماحي سفتك قبل ما تنعدل من نومك بتكون دنكلته .
ومع الاخ عمر الحريات الشخصية ليس لا حد التدخل فيها ولكن يجب احترام الغير الم يقال ( اكل ما يعجبك والبس ما يعجب الناس ) فمعني هذا انك مراة لنفسك يجب ان تكون دوما نظيفة وتعكس اشيائك الجميلة .
وان كان ليس هنالك بد من ما ليس له بد فيجب ان يكون في مكان لا تجعل فيه نفسك مدعاتا للإمتعاض .
ومعلومة طبية هي ان التمبال او العماري سبب من اسباب سرطان اللثة . ( اعمل حسابك يا ود الماحي )
عافنا الله من ما ابتلي به غيرنا

[elfatih61]

يا أخوانا ما تتعبوا نفسكم بالكلام في الموضوع 00 لانو حتى البسفو
ما ح يخلو العادة و لو إتكلمت عليها وسائل الاعلام وصحف العالم
ونشروا ما تسببه من أمراض بالكلام والصور !!
وكلهم مقتنعين بالمثل البقول
(من خلى عادتوا قلت سعادتو)

بس رسالة تضامنية لكل أصحاب المزاج (خارج الوطن بالذات)
أنو غيرنا لايمكن أن يستوعب أو يفهم إنت خاتت في بوأك
أيه (على قلت المصريين) 00 أما الشعوب الأخرى 00 (لا تعليق !! )

عشان كدا يا جماعة الخير 00 الغير السودانيين لمن
يشوفوا واحد بخت سفه أو بطلعها أو بتتكلم معاه وانت
خاتيها 00 مهما تحاولوا تشرحوا لا يمكن يفهموا
أنو ده مزاجكم وكيفكم 00 راعوا شعور الغير يا ناس
وخلوا السفة دى بينكم وبين بعض 00 رجاءاً
(الجداد بيأكل اي شىء في الأرض 0000 إلا السفة)

وعلى فكرة يا (ذو الفرده) ديل ح يمنعوهم من
حاجات كثيــرة وقريباً 00 لانو الحمله أصلها شغاله
من أجناس ثانية وح يعرفوا يضربونا من ويــن 00!!
وإمكن أول ضربة بسلاحنا نحن ( السفــة !! )
المجمع الثقافي و 00000و0000 و00الخ

[elfatih61]

يا بالشنقـة00 !!