النتائج 1 إلى 25 من 83

الموضوع: سوار الياسمين .. ضيفتنا هذا الأسبوع في الكرسي السااااااخن ...

أدوات الموضوع
- مشاهدة صفحة طباعة الموضوع


	14-03-2006 07:46 AM #1 sambaaa الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Nov 2005 الدولة مدني أجمل خبر المشاركات 2,339 سوار الياسمين .. ضيفتنا هذا الأسبوع في الكرسي السااااااخن ... الأخوة الاعزااااااااء ... اليوم موعدنا مع الأخت الغالية علينا كلنا .. سوار الياسمين ... ضيفة عزيزة علينا ... ونحن اخترنا ليها أجمل كرسي عندنا ... الكرسي الساخن ... تعرفنا بها من خلال مواضيعها المتميزة ... وحواراتها المتفردة .. نكن لها كل الاحترام والتقدير .. وهي تمثل الصوت الآخر .. لنصف هذا النسيج الجميل .. فكان لابد أن نتعرف عليها عن قرب ... فالنستمع اليها جميعا .. وهي تحكي لنا من هي سوار الياسمين ؟ التعديل الأخير تم بواسطة sambaaa ; 20-03-2006 الساعة 02:40 PM رد مع اقتباس


	14-03-2006 07:56 AM #2 مكتول مدنى الملف الشخصي مشاهدة المشاركات عضو برونزي Array تاريخ التسجيل Jan 2006 المشاركات 613 انت يا سامبا خلاص انفردت بالمرمى بعد تعبت من الاقوان ومالقيت غير سوار الياسمين المسكينة علشان تنتقم فيها لكن يا مان الزمن دوار وتانى بنجيك ان طال العمر او قصر تعرف لانك زغت يومين وكلفت الموضوع ساى الاسبوع بتاعك طلع ناقص 4 ايام لازم تقضيها بعد سوار ومن اليوم قانون الكرسي الجديد لازم تجاوب على 3 اعضاء يوميا على الاقل يعنى الكرسي الساخن لازم يشتعل وممكن جدا الضيف يتم الكرسي خلال شهر يعنى الضيف اقل شئ لازم يجاوب على اسئلة 21 عضو على الاقل وذلك لمدة اسبوع يعنى الضيف ما يجاوب الاسئلة دى فى ساعة ويقول خلصت لكن بعد اسبوع لازم لو عايز يتخارج من الكرسى انه يكون جاوب اسئلة 21 عضو على الاقل بمعدل تلاتة اعضاء يوميا يعنى لو جاوب على 100 عضو فى اليوم برضو دة بتحسب يوم واحد بس ولازم يجاوب على سؤال اليوم باليوم يعنى الاسئلة البايتة لاتحسب من ضمن اسئلة اليوم الجديد وهذا القانون سيسرى اعتبارا من الضيف القادم وليس الضيف الحالى وباثر رجعى سيسرى على سامبا لان السيد سامبا (ود الموية) حاول يمكر علينا لكن ما بقدر للاسف رد مع اقتباس


	14-03-2006 12:11 PM #3 سواااح الملف الشخصي مشاهدة المشاركات فخر المنتديات Array تاريخ التسجيل Feb 2006 الدولة مدني - الدرجة الاولي المشاركات 7,978 الاخت العزيزة سوار الياسمين .. حبابك الف .. وما تشيلي هم .. لي معك عودة اخري ولن تكون ساخنة .. دمـــــــــــتي ،، العقول الصغيرة تناقش في الأشخاص، والعقول المتوسطة تناقش في الأشياء، أما العقول الكبيرة .. فإنها تناقش في المبادئ !! رد مع اقتباس


	14-03-2006 07:07 PM #4 sambaaa الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Nov 2005 الدولة مدني أجمل خبر المشاركات 2,339 المشاركة الأصلية كتبت بواسطة مكتول مدنى انت يا سامبا خلاص انفردت بالمرمى بعد تعبت من الاقوان ومالقيت غير سوار الياسمين المسكينة علشان تنتقم فيها هههههههههههههههههههههههه يا حبيبوووو .. انت زاتك الدور راجيك .. وشكلك جرسة شديد ... رد مع اقتباس


	14-03-2006 08:17 PM #5 سوار الياسمين الملف الشخصي مشاهدة المشاركات عضو فضي Array تاريخ التسجيل Dec 2005 الدولة ود مدني المشاركات 1,583 اليلة وووووووووووووووووب على حقي راح معاكم عليكم الله يا اخواني ماتقسو علي انا بت غلبانة وفي حالي قولتلي يا سامبا عايز تعرف منو سوار الياسمين؟؟ طيب ارجاني كويس رد مع اقتباس


	14-03-2006 08:20 PM #6 سوار الياسمين الملف الشخصي مشاهدة المشاركات عضو فضي Array تاريخ التسجيل Dec 2005 الدولة ود مدني المشاركات 1,583 من هي سوار الياسمين ؟؟ ده يا سامبا اعتبره اول سؤال ولا ايه ؟؟! رد مع اقتباس


	14-03-2006 08:30 PM #7 sambaaa الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Nov 2005 الدولة مدني أجمل خبر المشاركات 2,339 ايواااااااااااااااااااااااا .... يلا اتحركي شوية ... بطلي الجرسة ... ههههههههههه ... مشيتي وين ؟ التعديل الأخير تم بواسطة sambaaa ; 14-03-2006 الساعة 08:44 PM رد مع اقتباس


	14-03-2006 08:54 PM #8 سوار الياسمين الملف الشخصي مشاهدة المشاركات عضو فضي Array تاريخ التسجيل Dec 2005 الدولة ود مدني المشاركات 1,583 طيب يا سامبا اجاوبك على سؤالك انا اسمي هبة عمري 21 اعمل في مجال السكرتارية لي اربعة اخوان اولاد وانا البنت الوحيدة مرتبنتي بين اخواني القبل الأخير اتولتى ودرستى واشتغلتى في دولة قطر اها تاني عايزين تعفو شنو رد مع اقتباس


	14-03-2006 09:05 PM #9 sambaaa الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Nov 2005 الدولة مدني أجمل خبر المشاركات 2,339 تمااااااااااااااااااااااااااااااام .. ايوه كده ... بداية موفقة جدا ... بعد ده نجيك بالحاجات التقيلة ديك ... رد مع اقتباس


	14-03-2006 09:09 PM #10 سوار الياسمين الملف الشخصي مشاهدة المشاركات عضو فضي Array تاريخ التسجيل Dec 2005 الدولة ود مدني المشاركات 1,583 ارجوووووووووك بلاش الحجات الثقيلة بتكبس على نفسي هههههه خليك ظريف احسن ليك رد مع اقتباس


	15-03-2006 12:01 AM #11 الشريف الهندي الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Apr 2005 الدولة الخرطوم بحري - الجريف شرق المشاركات 1,035 بسم الله الرحمن الرحيم الغاليه سوار الياسمين تحيه عطره علّها تقلّل عليك مماسيأتيك من الحرالشديد ومرحبا بيك في الكرسي الساخن والذي تفرد به النجوم الطوالع سعدنا كثيرا بخبر وجودك على الكرسي الساخن ودعواتنا معاك وعلشان تكسبي الزمن وما تتجهجهي اتبعي ارشادات مكتول مدني وما تحاولي تتزاوغي من الاسئله نهائيا لأنها راجياك راجياك مع ـنك خارج نطاق القرارات الجديده لكن بعد شويه الحكايه حتسخن أما عن سؤالاتي : بما أنك عشتي خارج البلاد كثيراً منذ ولادتك انتهاءاً بعملك أود ان اعرف 1/ ماهية حقيقه الاحساس بالوطن لديكي وخاصة الان ؟ 2/ ماذا تعني لكي الغربه والبعاد عن أرض الوطن ؟ 3/ هل كانت لكي زيارات مع الأسره للوطن وماكان احساسك حينها ؟ 4/ ايها تفضلي الاستمرار في الغربه أم أن الشوق والحنين لتراب الوطن يحن في دواخلك حيناً ؟ 5/ قطر والحياة فيها ... مقيمه بها ؟ أم متجنسه القطريه ؟ 6/ ماذا لو حصل وكان ( القرار الجمهوري حقيقة ) ؟ 7/ مدى ارتباطك بالاهل وابناء وبنات الاعمام والعمات والخالات والخيلان وكذلك الجدود والحبوبات . 8/ من وجهت نظرك ايهما الافضل لتربية الابناء ؟ * هل تربيتهم في الجو المغلق كما قالوا عن ابناء المغتربين أم تربيتهم في السودان كما هو الحال الان ؟ ( رغم انشغال الوالدان عن الأبناء نظرًالظروف المعيشه )* 9/ ماهي نظرتك للفتاه السودانيه من الجانب الثقافي ..... والاكاديمي ..... الاجتماعي ؟ 10/ عمل المرأء في المجتمع ودورها ماذا يمثل بالنسبة لكي وما دورك كفتاه سودانيه ؟ لا أحب أن أطيل فهناك من الحاورالكثير وخصوصاً أن التربيه والحياة خارج الوطن كانت حالتي منذ عمري عام ونصف أتمنى لكي استضاقه طيبه بين سهام الود والإخاء لتفيض على كرسيك عطر الفل و الياسمين أنا من بلداً هو عنوان للصلابة .. فيهو كمين ألف مسجد وفيهو صحرا وفيهو غابة وفيهو نيل جاري فـ دمانا وحبو في الوجدان صبابة .. وفيهو مليون ألف مأوي للمساكين والغلابة .. وفيهو ناس مليانة عزة لا بخافو لا بتغشاهم مهابة .. ناس بتلبس توب محنة وعمة عزة وشال كرامة وفاتحة من الطيبة بابا. رد مع اقتباس


	15-03-2006 01:35 AM #12 ناصر الباشا الملف الشخصي مشاهدة المشاركات عضو مميز Array تاريخ التسجيل Feb 2006 الدولة الخرطوم-امتداد الدرجة الثالثة سوق الندا المشاركات 412 اختنا الغالية سوار الياسمين ليس لدي سؤال محدد و لكن تعقيب على اخونا الهنــــــــدي حقيقة لم اكن اتوقع انك نشأتي خارج الســـــــودان و ذلك لاسباب اهمها ارتباطك الشديد بسودانيتك و يظهر هــــــــذا واضحاً في مفردات الفتاة السودانية العاميـــــــــــــة التي تستخدميها و هذا لا يتوفر كثيراً في شخصيات معظــــــــــم ابناء السودانيين المولودين في الخليج و هــــــــــــذا يعكس الدور الفعال لاسرتك في تنشاتك تنشأة سودانية بحتـــــــة و ربطك بعادات و تقاليد السودان و مليون تعظيم ســــــــلام لوالدك ووالدتك و يا مغتربين شوفوا عمنا ابو هبة بعمل ايه رد مع اقتباس


	15-03-2006 04:15 AM #13 سوار الياسمين الملف الشخصي مشاهدة المشاركات عضو فضي Array تاريخ التسجيل Dec 2005 الدولة ود مدني المشاركات 1,583 يا مثبت العقل والدين يا رب الشرييييييييييييييييييف المهندي انت يا ود امي أسالت مجلس الأمة بتاعتك ده شنو والله انا ما بفتكر انو حصل قبل قدة زعلتك في حاجة لا سمح الله لكن حرد عليك يعني حرد عليك والأمر مفروغ منه ((و الله سؤال الملكين اسهل من كدة)) وتحياتي يا الشريف رد مع اقتباس


	15-03-2006 04:21 AM #14 سوار الياسمين الملف الشخصي مشاهدة المشاركات عضو فضي Array تاريخ التسجيل Dec 2005 الدولة ود مدني المشاركات 1,583 ناصر الباشا نرحب بيك في صالون الكرسي الساخن وهل تصدق اني كنت حنكوشة لدرجة تخوف ولكن للما بقينا كل سنة نمشي السودان علاقتي بالمفاهيم السودانية وطريقة الكلام اتغيرت وقول ليك شي الكلام العامي البتكلم بيهو في المنتدى ده اصلا ما حصل اتكلمتو في البيت ولكن اتعلمتو في السودان خلال الإجازات والله يدي اولاد وبنات العم العافية الزول اتفتح معاهم شوية واشكرك يا اخوي رد مع اقتباس


	15-03-2006 05:25 AM #15 سوار الياسمين الملف الشخصي مشاهدة المشاركات عضو فضي Array تاريخ التسجيل Dec 2005 الدولة ود مدني المشاركات 1,583 قلتلي لا تحب ان تطيل 1/ ماهية حقيقه الاحساس بالوطن لديكي وخاصة الان ؟ والله السودان مافي منه بديل ولو كان الزول عايز بديل ما حيلقى وفي حاجة ما بتتفسر وهي شعوري نحو بلدي الحبيب الذي اعتز بأنني من ترابه مع اسفي انني لم اتربى فيه وارتباطي بيهو مجرد زيارات لا اكثر وادعو لي اني ارجع ليهو قريب انشاء الله 2/ ماذا تعني لكي الغربه والبعاد عن أرض الوطن ؟ والله بما انني منذ ما فتحت عيوني على الغربة فانا فعلا ما بعتبر نفسي في غربة لاني اساسا ما شفتى العيش في الوطن شكله كيف ولكن في الفترة الأخيرة اصبح على فراق الوطن عند انتهاء الإجازة صعب شديد اتمنى انه يزول برجوعي لوطني في القريب انشاء الله (( إلي بعده....)) 3/ هل كانت لكي زيارات مع الأسره للوطن وماكان احساسك حينها ؟ كل سنة والحمد لله ماعدا لما نمشي لباقي الأهل في مصر 4/ ايها تفضلي الاستمرار في الغربه أم أن الشوق والحنين لتراب الوطن يحن في دواخلك حيناً ؟ ده سؤال ده طبعا السودان ولا بديل عنه ابداااااااااااااااااااااا ( البت عاملة فيها وطنية)) 5/ قطر والحياة فيها ... مقيمه بها ؟ أم متجنسه القطريه ؟ مقيمة وكان ادوني الجنسية ما عايزاها مش ليعيب فيها لا سمح الله ولكن لأني اعتز أني سودانية 6/ ماذا لو حصل وكان ( القرار الجمهوري حقيقة ) ؟ لو حصل والله حق أمهاتنا بيروح ولتمنى انه يتحقق في الجزئية الولة فقط الي هو عودة المغتربين اجباريا 7/ مدى ارتباطك بالاهل وابناء وبنات الاعمام والعمات والخالات والخيلان وكذلك الجدود والحبوبات . صلة والله مشاء الله عليها خمسة وخميسة مميزة جدا وما اظن انو في حد زينا وللأسف حبوبتي السودانية ما عشتى معاها كان توفاه الله وانا بعمر السنتين ولكن حبوبتي المصرية عشتى معاها وعوضتني فقد الحبوبة السودانية مع العلم انها كانت بتتكلم معاي سوداني لانه جدي الي هو زوجها سوداني جعلي كمان ((ناس المك نمر)) الله يرحمها اتوفت رمضان الماضي. [من وجهت نظرك ايهما الافضل لتربية الابناء ؟ * هل تربيتهم في الجو المغلق كما قالوا عن ابناء المغتربين *[أم تربيتهم في السودان كما هو الحال الان ؟ ( رغم انشغال الوالدان عن الأبناء نظرًالظروف المعيشه ) ]والله الإنغلاق الشديد ما كويس والانفتاح الشديد ما كويس وخير الامور الوسط يعني الزول ياخد من الجهتين الشيء الصح مع انه غياب الوالدين في السودان بيعوضه وجود الخالات او العمات او الحبوبات لكن في الغربة نادر ما تلقى حد ياخذ بالو من العيال وما اكثر الحضانات الآن.[/COLOR] 9/ ماهي نظرتك للفتاه السودانيه من الجانب الثقافي ..... والاكاديمي ..... الاجتماعي ؟ الثقافي وبدون مجاملة وما عشرتي لجنسيات كثيرة جدااااااااااا الفتاة السودانية اكثر فتاة مثقفة في جميع المجالات الأكاديمي ومن اكثر الفتيات طموحا وتعطشاً للعمل وللوصول الى مراكز ثقافية وعلمية مهمة (اكثر من الرجال) وده مافيها نققاش الإجتماعي ده بتختلف بحسب كل بنت ووطريقة الترابط الأسري الي اتربت عليها 10/ عمل المرأء في المجتمع ودورها ماذا يمثل بالنسبة لكي وما دورك كفتاه سودانيه ؟ العمل اصبح شيء مهم بالنسبة للمرأة مش السودانية فقط بل لكل الجنسيات ولكل الطبقات ليس فقط للاحياج المادي بل لتحقيق الذات وتكوين شخصيتهم وبالنسبة لي كان قضاء وقت فراغ لكن بفايدة . ودوري كفتاة سودانية بينحصر في الممكن اطورة او انجزه في مجالي او اي مجال ممكن اصل ليهو فيهو فايدة للمجتمع (( وده كلام جرايد طبعا )) ههههههههه. واعتقد ما قصرتى معاك (( وتاني ولا نفس )) رد مع اقتباس


	15-03-2006 07:23 AM #16 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 سوار الياسمين زهرة منتدانا... فاح شذاك وعبق شمال ويمين بت الاصول ست العفاف والدين شاحد الله الكريم نبراك بالعديل والزين وتملي الدار عيال كان عشره كان عشرين جهجهتي الشباب شوفيهم كيف ناقزين ومكتول مدني طفش من ماليزيا فات الصين أما البقيّه لابدين ومكطعنّو في المصارين... اتلحلحو ياشباب وغطو قدحكم وما ترمو عليّ يمين.. ود الماحي التعديل الأخير تم بواسطة Jamal Elmahi ; 15-03-2006 الساعة 09:47 AM الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	15-03-2006 10:08 AM #17 سواااح الملف الشخصي مشاهدة المشاركات فخر المنتديات Array تاريخ التسجيل Feb 2006 الدولة مدني - الدرجة الاولي المشاركات 7,978 اختي سوارالياسمين .. في كلمات .. سوار الياسمين .. اليوم .. غدا .. المستقبل .. العقول الصغيرة تناقش في الأشخاص، والعقول المتوسطة تناقش في الأشياء، أما العقول الكبيرة .. فإنها تناقش في المبادئ !! رد مع اقتباس


	15-03-2006 08:18 PM #18 مهيرة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Dec 2004 الدولة ودمدني / أمدرمان المشاركات 1,715 غايتو ياهبة ناس مدني ديل بنهشو اللحم عديل مايلقو ليهم زول وهاك يا سكاكين وخاصة مكتول مدني ده جنو ضبح هبة كدي عدي لي أحياء مدني جنوب السكة حديد ؟ عشان تسكتي لي لسان سامبا ومكتول مدني ده !! مهـــــــــــــــــــــــــــــــــــــــــيــــرة ولدت في يوم ماطر ففاجأني الصوت وهو يتجول وحيدا رد مع اقتباس


	15-03-2006 08:41 PM #19 سوار الياسمين الملف الشخصي مشاهدة المشاركات عضو فضي Array تاريخ التسجيل Dec 2005 الدولة ود مدني المشاركات 1,583 المشاركة الأصلية كتبت بواسطة sawa7 اختي سوارالياسمين .. في كلمات .. سوار الياسمين .. اليوم .. غدا .. المستقبل .. اليوم فتاة عادية تعيش حياتها بكل لحظاتها حلوها ومرها غداً في بيت العدل إنشاء الله المستقبل شايفة عيالي قدامي في صحة وسعادة ونجاح وفلاح واشكرك يا سواح على مشاركتك البعتبرها بريك صغير من امتحان الشهادة بتاع الشريف المهندي رد مع اقتباس


	15-03-2006 08:43 PM #20 سوار الياسمين الملف الشخصي مشاهدة المشاركات عضو فضي Array تاريخ التسجيل Dec 2005 الدولة ود مدني المشاركات 1,583 مهيرة ازيك مشتاقين والله (( زي البعرفك من قبل)) يختي كان عافاهم قالو شي ما توصليهو لي ينوبك ثواب وعلى العموم ده الرد على سؤالك عشان أسكت العايزاهو 114 ـ الدرجة ـ الحلة الجديدة ـ شندي فووق ـ المزاد كدى تمام ولا نسيت حاجة ومشكورة على مشاركتك رد مع اقتباس


	15-03-2006 10:11 PM #21 مهيرة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Dec 2004 الدولة ودمدني / أمدرمان المشاركات 1,715 تمام التمام ياهـــــــــــــبة الله يعني كان نسيتي : البحوث بركات عووضة ما مشكلة المهم كتلتي مكتول مدني وسامبا مهـــــــــــــــــــــــــــــــــــــــــيــــرة ولدت في يوم ماطر ففاجأني الصوت وهو يتجول وحيدا رد مع اقتباس


	16-03-2006 12:25 AM #22 مكتول مدنى الملف الشخصي مشاهدة المشاركات عضو برونزي Array تاريخ التسجيل Jan 2006 المشاركات 613 والله تمام التمام اختى سوار الياسمين وانتى يا مهيرة انا والله فى دنيتى ماندمت على شئ غير انى ما سكنت مدنى وبالجد انا قربت ابكى لما قريت رد سوار الياسمين على سؤالك شكلى كدة برجع نهائي وامش اتم الدراسة فى جامعة الجزيرة علشان ابقى فى مدنى طول عمرى رد مع اقتباس


	16-03-2006 12:34 AM #23 فاتنة الملف الشخصي مشاهدة المشاركات عضو جديد Array تاريخ التسجيل Mar 2006 المشاركات 82 حبيبتي سوار كر علي انتي يا بت سويتي للناس ديل شنو ذي العندهم معاك تار اول حاجة ليه اخترتي اسم سوار الياسمين بالتحديد ثاني حاجة ما هي الاشياء المفروض تتبعها الفتاة للدخول في اي منتدى ثالث حاجة هل ممكن ان ينجح زواج بين شاب و فتاة اتعرفوا بمنتدى معين رد مع اقتباس


	16-03-2006 12:56 AM #24 سوباوي الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Nov 2004 المشاركات 1,395 الزاهية .. هبة .. "سوار الياسمين" وللياسمين فوحه الخاص .. يسير في خط موازي لرائحة البارود عند "نزار قباني" وهدية خاصة لدى العشاق وهما تمام الشوق حينما يهدون لبعضهم الود والياسمين ويهدون للساقطين الرماد .. فقط أقول رنان هذا السوار الذي اخترته أسماً .. فإن كان الخيار لك في أسمك الحقيقي فما الذي كنت تتمنين أن تحملينه من أسماء ... وهذا ليس سؤال وإنما دردشة على ناصية الاسم . للأمكنة أريحيتها الخاصة كما الذوات .. وعندما أقص خطوك في "تلميذ سوداني يهدي لمعلمه ....." وأيضاً في "أول مرة في حياتي أقضي العيد في السودان" تعكس تلك الكتابات نفسية كاتبها الخاصة سوى إن كانت خبر أو تعبير عن ما بداخل كاتبها وهنا أحس أنك معبئة بأماني كثيفة لتكوني في وسط هذا الجميل من الأحداث في السودان .. وإن كان البوستين أعلاه من أفعال عادة في المجتمع السوداني ولكن لها أثرها الخاص لديك لأسباب كثيرة .. منها التغرب الطويل عن الوطن .. قبل أن يجرفني الحديث في مهاوٍ قد تملين معها الكرسي ودي أن أحرجك بسؤال "مصر – السودان" أيهما أقرب للقلب وأيهما وأمنية لدى النفس للإقامة بها . أعجبني بوستك بعنوان "السؤال ذكر والإجابة أنثى" .. فما قولك وأنتي كأنثى إجابة إذ قلت لك : الرجل : واقع الأنثى : واقعة . الرجل : حي . الأنثى : حية . الأخت سوار الياسمين .. بما أنك جزلة الحديث .. وتلقائية الحوار بدرجة تريح المتداخل معك .. فلماذا الشح في مشاركاتك حين نجد أن عددها (7) وبالمقابل مداخلاتك تبلغ (191) هل هو الاستمتاع بالأخذ أكثر من العطاء أم هو الميول للإطلاع أكثر من الكتابة وأرجح أنا بأن أهل منتدانا أقلامهم عامرة بدرجة تجعلك مشدوهاً طول الوقت في قرأت الممتع مما يكتبون . سؤال : هل نساك والدك مرة أخرى .. ربنا يحفظه ليكم ويديه الصحة والعافية . سوار الياسمين سأهديك أخيراً وقبل المغادرة ... مقاطع لملامح إمرأة من صميم ملامح الوطن .. أتمنى أن تعجبي بها وهي لـ"الأستاذ محمد الحسن سالم حميد" فقط وددت أن أعرج بك لنوع آخر للتعرف على الفريد من أدبنا .. وين ؟؟" مَرَقَتْ .. مَرَه .. مَرَقَتْ .. مَرَه مَرَقَتْ .. مَرَه مَرَقَتْ .. مَرَه .. دي السُرَّة بت عوض الكريم … ، مَرَه .. مابتلاوز .. لابتخاف .. زيْ الضفاف المابتهابْ .. ضنب التماسيح .. والكلابْ قُومة البحر .. ولاَّ .. الجفاف .. مَرَه .. من قديم .. مره .. بت قبائل .. قالوا لا .. واختاروا في الحق .. الجحيم ومن رِفْقَة الفَسل .. الخلا وكانت نعم .. تدِّي النعيم .. مَرَه .. من صميم ضهر الغلابا الماب تنكِّس راسا .. غير ساعة الصلاة .. أو ترْمِي تيراب في التراب .. أو تستشف وجه السديم .. السُرَّة .. بت عوض الكريم ما فيها من عادة الحريم غير السماحة القدَّمت قُدْم الضهب حافضنو في حُقَّاً قديم في أقصى كين ما فيها من طيع الرجال غير الأيادي الخشنة زي قولة النصيحة .. وكت تكِّدب في الصميم ساعة يكون الحُكْمِ .. ضيم .. تسعين سنة .. ويا السُرَّة .. بت عوض الكريم بصرك .. بصير سمعك .. سميع نضمك .. نضيم بالك .. محلُّو صبي وسليم تسعين سنة .. تسعين سنة .. وعودك .. أمدَّاً ما انحنى شامخ بلا البان القديم .. تسعين سنة .. ومن فتنتك :: استغفر الله العظيم ! جوكي .. الرجال .. آ .. السُرَّة بت عوض الكريم من ويــن .. و .. ويـــن لا .. الكلُّو طين أغراكِ لا السمح .. الوسيم آ .. السُرَّة .. صددت المشايخ والعُمد مُرساله ليك .. ضيعتي بي أنِفَة البشارة عليهُو كيف قلبك صمد يا بت قُصاد المغريات .. والبشَّروك بالجنَّة من فُقرا البلد سقوكي .. بالغفلة .. المحايات .. ما نفع .. رتباً كبار .. قتيلا .. لا .. شُعرا .. ومغنين .. ختَّا فيك دُوداي غناهن .. ما شفع الجان يجِن .. والهام .. يهيم .. والإنجليزي .. أسلم .. عشان خاطر هواك ساعة طلعتي تجيبي عود السيسبان إنصيَّدك .. آ .. السُرَّة بت عوض الكريم مرقنو كرعين الحصان .. والجاكِ ناط .. كتَّفتي بالليل في اللمينة .. مع الفَجُر .. طلبك عفو .. وسترة .. وعفيتي .. سترتي يا السُرَّة ..القويِّة .. بقت لُه توبة سوِيِّة من هتك العرِض .. يا.. بت .. ها .. كيف بعد الحسن ما تاورك قلبك عَلى زول في الأرض .؟??؟ المهذبة تماماً .. الأخت هبة .. أتمنى أن تكوني قد وجدتني خفيفاً على مجلسك العامر بك وبكل الأحباب المتداخلين .. لا أوعدك ولكني أقول قد يجوز أن أعاود زيارتي لك مرة أخرى .. تحياتي وكوني طيبة ومتعافية،،، وما كنت حزين لما افوتك وسط الفقراء بيوت الطين ... رد مع اقتباس


	16-03-2006 01:10 AM #25 sambaaa الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Nov 2005 الدولة مدني أجمل خبر المشاركات 2,339 هـــــــبة ... والله ماشاءالله عليك .. عيني باااااااااااااااردة عديل كده ... ( ما كنت قايلك كده ) .. ههههههههههههه .. طلعتي نمـــــــــرة ... والله انا ما كنت داير أسألك هسه ... لكن خفت أنسى أسئلتي الأولى ... عشان كده بديك حبتين كده سريعات ... لكل منا لحظات خاصة به .. يقف عندها .. يراجع فيها حساباته ... فمتى تقفين مع نفسك .. ؟ كان لك برنامج رائع وناجح جداً ... وكان سؤالك .. ما هي قمة الألـــــــــم ... لكني هنا أسألك .. ما هي قمــــــــة السعادة عندك ؟ متى تتلون الدموع يا هبـــــــــــة ؟ ماهو السؤال الذي تتوقيعه خلال ضيافتك على الكرسي ؟ خاطرة سريعة جدا ... ما هو السر في كون الغـــــــــــــروب حالماً وملهم ؟ رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 01:45 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني