سرقة الموبايلات في السودان

[عزيز عيسى]

واحد قريبي في السودان
أرسل لي رسالة إيميل وقال فيها إنو سرقوا منو الموبايل بتاعو..
وطلب مني أرسل ليه موبايل من نوع نوكيا بيقول ممكن يشتغل هناك..
والأظرف من ذلك إنو أرفق لي أغنية علي الرابط اللي تحت..
أنا أول مرة أسمعها لفرقة فنية إسمها الهيلا هوب:
عجبتني كثير وخلتني أموت من الضحك
وقلت أخليكم تستمتعوا بيها معاي..
.

http://www.nilelove.org/music/vedio/mob.wmv

[ابراهيم]

سلامات يا عزيزنا
وشوقنا كتير والله
أول حاجة مبروك الـــ(New look)
وكفارة لي قريبك والجاتو في موبايلو سامحتو

وانشاءالله السرق الموبايل دة تعضيهو غنماية في اضانو

تعرف اسهل حاجة سرقة الموبايلات دي ..

انا اولاد بمبه اتخصصو فيني عديل ...
لمن عملت للموبايل تكة

بالنسبة للغنية
جاري التحميل نسمعها ونجيك راجعين

[ابراهيم]

ههههههههههههه

غايتو الزول السوى الحاجة دي ما ظريف
ثم تاني ذاتو يعني سواها كيف؟

[عزيز عيسى]

سلامات يا عزيزنا
وشوقنا كتير والله
أول حاجة مبروك الـــ(New look)
وكفارة لي قريبك والجاتو في موبايلو سامحتو

وانشاءالله السرق الموبايل دة تعضيهو غنماية في اضانو

تعرف اسهل حاجة سرقة الموبايلات دي ..

انا اولاد بمبه اتخصصو فيني عديل ...
لمن عملت للموبايل تكة

بالنسبة للغنية
جاري التحميل نسمعها ونجيك راجعين

برهوته الحبيب،

والله الشوق ليك أكثر.. وطولت ما سمعت صوتك..

لكن يا ابراهيم ما شاء الله عليك عندك قوة ملاحظة قوية جدا بخصوص المظهر الجديد..
اليوم طلبت من الرجل الرائع الأدمن أبوبكر أنو يغير لي إسمي
من الأفرنجي الى العربي.. الراجل كتر خيرو غيرو في ظرف لحظات.
LOOOOOL

وأنا بقول السرق موبايل قريبي دا
إن شاء الله تعضيهو أم سيسي حقت خالد هاشم ديك..
خايف أولاد بمبة المرة الجاية يسرقوا الجوال بتاعك مع التكة..
وحنجي نقول ليك الجاتك في تكتك سامحتك..
أحسن تربط الجوال بجنزير.

[عزيز عيسى]

ههههههههههههه

غايتو الزول السوى الحاجة دي ما ظريف
ثم تاني ذاتو يعني سواها كيف؟

الزول السوى الحاجة دي أكيد يكون مكشكش..
لكن ظريفة شديد..

[الشريف الهندي]

والله بالجد زول ماظريف
والله ماليهو حق خلا الراجل يفرش على الموبايل
ودق الصيوان


أهل الفخر والذوق تعظيم سلام

[Jamal Elmahi]

واحد قريبي في السودان
أرسل لي رسالة إيميل وقال فيها إنو سرقوا منو الموبايل بتاعو..
وطلب مني أرسل ليه موبايل من نوع نوكيا بيقول ممكن يشتغل هناك..
والأظرف من ذلك إنو أرفق لي أغنية علي الرابط اللي تحت..
أنا أول مرة أسمعها لفرقة فنية إسمها الهيلا هوب:
عجبتني كثير وخلتني أموت من الضحك
وقلت أخليكم تستمتعوا بيها معاي..
.

http://www.nilelove.org/music/vedio/mob.wmv

غايتو يا عزيز قريبك دا بستاهل النوكيا...وبعد فراشو دا عليّ الطلاق لو ما رسلت ليهو النوكيا أنا علاّ أرسلو ليو...وكمان بي تأمينو...أمرق الدولارات
ساي أأزول لاميها لي متين...الزول كان ما وقفوا معاهو في سرقة موبايلو يقيفوا معاهو متين...بس ما يقوم يسمعنا أبراهومه حتتو يقول سرقو موبايلو بي تكّتو...الموبايل هيّن التكّه نجيبا من وين؟؟؟

ود الماحي

[sambaaa]

ههههههههههههههههههههههههههههههههههههههههههههه

يا خي والله تجننو عديل كده ... ههههه

انا ما عارف اضحك على منو ؟؟
الهيلاهوب ... ولا ودالماحي ؟؟

هههههههههههههه

بالمناسبة دي ... طبعا السرقة زاتها اتطورت ..
انا قبل كم يوم اتسرق الايميل بتاعي والله
ودي فرصة انو اعلن عن هذا الحدث ..
وده عنواني الجديد ..
SINARDAMP@HOTMAIL.COM

لكم كل الود ...

[سواااح]

والله بتحتار في كل شئ ..

الارقام

الرسائل

وبعدين الكلام ده ما صاح ؟؟

مشكور عزيز ..

دمـــــــــت ،،

[الزبير محمد عبدالفضيل]

احذر سرقة الموبايل في اي مكان من العالم احذرررررررررررررروا وعووووووووووووووووووا

[الزبير محمد عبدالفضيل]

اجات في الموبايل سامحتك والعتره بصلح المشيه وربنا يعوضك احسن منه

[صالح ابوشوارب]

الفردة عزيز
كيف اخبارك
وصلت رسالتك بالامس والحمد لله بدون موبايل
احلى سرقة موبايل عندى انا
بعد ما عملت عملية زراعة الكلى بثلاثة اسابيع
وانا راقد المستشفي كنت خارج من الحمام
( شايل جرحى ) وماشى ( مشية الحمام )
اشوف ليك واحد فتح الباب ومرق من الاووضة
لمن وصلت السرير القى ليك الموبايل مافي
ولمن وصلت باب الاووضة اشوفو ليك ماشى
لكن ما قادر اكورك الحراااااامي لاني
( شايل جرحي ) وقعدت اشر ليهو ( بمعني تعال )
وانا عارف بيقول لى في سره ( تعال لى يا الحبيب )

[عزيز عيسى]

والله بالجد زول ماظريف
والله ماليهو حق خلا الراجل يفرش على الموبايل
ودق الصيوان


أهل الفخر والذوق تعظيم سلام

الشريف الهندي،

وليك مني تعظيم سلام مربع بالاحضان يا رائع،

المشكلة إنو الراجل البغني السرقوا موبايلو عامل الفراش
وما عارف يعمل شنو.. مسكين اتبهدل
مرات يبكي وينوح ومرات يرقص..
غايتو البسرقوا موبايلو.. تبقى عليه ميته وخراب ديار..
حاسب.. أبقى عشرة علي موبايلك
وأبقى زي أخوك ابراهيم.. أربطو بتكة.

[عزيز عيسى]

غايتو يا عزيز قريبك دا بستاهل النوكيا...وبعد فراشو دا عليّ الطلاق لو ما رسلت ليهو النوكيا أنا علاّ أرسلو ليو...وكمان بي تأمينو...أمرق الدولارات
ساي أأزول لاميها لي متين...الزول كان ما وقفوا معاهو في سرقة موبايلو يقيفوا معاهو متين...

ود الماحي

جمال لا حول عملت لي عشراقة.

في الفيديو شايف واحد ماسك الدفتر والجماعة عاملين ليه (ختة)..
وأنت طالما عايز تقيف مع الراجل أرسل ليه الدولارات حينسى الموبايل بتاعو..

بس ما يقوم يسمعنا أبراهومه حتتو يقول سرقو موبايلو بي تكّتو... الموبايل هيّن التكّه نجيبا من وين؟؟؟

دي شديدة .. لكن يا جمال في دي بالغت فيها عدييييل

[عزيز عيسى]

ههههههههههههههههههههههههههههههههههههههههههههه
يا خي والله تجننو عديل كده ... ههههه

انا ما عارف اضحك على منو ؟؟
الهيلاهوب ... ولا ودالماحي ؟؟

هههههههههههههه

بالمناسبة دي ... طبعا السرقة زاتها اتطورت ..
انا قبل كم يوم اتسرق الايميل بتاعي والله
ودي فرصة انو اعلن عن هذا الحدث ..
وده عنواني الجديد ..
SINARDAMP@HOTMAIL.COM

لكم كل الود ...

العزيز سامبا،

أقول ليك حاجة.. إنت أحسن تضحك علي ودالماحي..
الزول دا داهية كبير..

وودالماحي دا أنا أشحد الله إنو يلاقيهو واحد مكسيكي يسرق الموبايل
بتاعو.. لكن المشكلة المكسيكي دا يسرق الموبايل بتاع ودالماحي كيف؟
لأنو بكون داسيهو تحت طاقيتو... يعني إلا الطاقية يشيلها الهواء.
على قول ابراهيم الجاتك في إيميلك سامحتك.. أها ما عملت ليه فراش؟
بس أعمل حسابك الايميل الجديد ما يلطشوا منك
ويخلوك ترقص (سامبا).

ولك ودي

[عزيز عيسى]

والله بتحتار في كل شئ ..

الارقام

الرسائل

وبعدين الكلام ده ما صاح ؟؟

مشكور عزيز ..

دمـــــــــت ،،

كيفك يا سواح،

أحسن طريقة الواحد يحافظ بيها علي الأرقام المسجلة في الموبايل
إنك تكتبها في ورقة خارجية وتضعها في مكان آمن معروف لديك
علشان لو إتسرق الموبايل الواحد ما يقعد (يجقلب) ويندم علي العناوين والأرقام.

شكرا كثير علي المرور.

ولك ودي

[عزيز عيسى]

احذر سرقة الموبايل في اي مكان من العالم احذرررررررررررررروا وعووووووووووووووووووا

الزبير أخوي حبابك عشرة
يا راجل ليك وحشة،

المشكلة كلما يزيد التحذير.. السرقات تكثر..
شايف اليومين ديل في شركة امريكية قامت باختراع نوع من الهواتف الجوالة
وهي عبارة عن شريحة من الترانزيستر (Chips) توضع تحت
الأذن من الخارج.. ممكن تسمع وتتحدث بدون ما يعرفك (حرامي) الموبايلات.
أعتقد الفكرة دي حتحل مشكلة السرقات..
لكن الخوف من الحرامية يسرقوا الجوال الصغير مع الأضان..
في الحالة دي أخير تكة ابراهيم.

ودي،

[عزيز عيسى]

اجات في الموبايل سامحتك والعتره بصلح المشيه وربنا يعوضك احسن منه

الراجل بيشكركم علي وقفتكم النبيلة معاهو في سرقة موبايلو..
لكن بيقول ليكم ما تنسوا الكشف (الختة).. بيقبل بالريالات
ومزوني لو رسل ليه (بالروبية) برضو ما عندو مانع بيقبلها..

[عزيز عيسى]

الفردة عزيز
كيف اخبارك
وصلت رسالتك بالامس والحمد لله بدون موبايل

الفردة الحبيب أبومنار،

أخوك بخير.. بس الآيام دي باقي علي موبايلي عشرة.

وألف حمدالله علي سلامتك وربنا يبعد عنك مصائب الدنيا والآخرة..
وسلامة وصول الرسالة بدون موبايل..

لكن ما قادر اكورك الحراااااامي لاني
( شايل جرحي ) وقعدت اشر ليهو ( بمعني تعال )
وانا عارف بيقول لى في سره ( تعال لى يا الحبيب )

انت يا صالح كنت عايز تكورك تقول الموباااااايل
لكن الجرح خانك..
الله يعوضك في الموبايل..
السرق موبايلك دا أكيد يكون واحد رفيق..
ولو عايز نعمل ليك (كشف) أو حتى (كرتلة).. حاضرين.