جدول كأس العالم + المجموعات + نتائج المباريات + تحليل كامل

[مزوني]

المجموعات :-
فرق المجموعه ( أ ) كأس العالم 2006
المجموعه أ: المانيا, كوستاريكا, بولندا, اكوادور
فرق المجموعه ( ب ) كأس العالم 2006
انكلترا, باراجواي, ترنايند/توبايكو, السويد
فرق المجموعه ( ج ) كأس العالم 2006
الارجنتين، ساحل العاج، صربيا، هولندا
فرق المجموعه ( د ) كأس العالم 2006
المكسيك, ايران, انغولا, البرتغال
فرق المجموعه ( هـ ) كأس العالم 2006
ايطاليا, غانا, امريكا, الشيك
فرق المجموعه ( و ) كأس العالم 2006
البرازيل, كرواتيا, استراليا, يابان
فرق المجموعه ( ز ) كأس العالم 2006
فرنسا, سويسرا, كوريا الجنوبيه, توغو
فرق المجموعه ( ح ) كأس العالم 2006
اسبانيا, اوكراينا, تونس, السعوديه

جدول مباريات كأس العالم 2006 ببرنامج الاكسل

شكل حلو وتقدر تكتب النتايج حقت المباريات وتلقائيا حيتغيير ترتيب الفرق

على العموم حاجه حلوه خالص وانشاءالله تعجبكم

للتحميل اضغط هنا

وتقبلو خالص تحياتي

[مزوني]

ولو في معانا ناس حناكيش وما دايره تتعب

ياهدا الجدول جااااااااااااااااااااااااااااااااااااااااااااااااا اااااااااااااااااااااااااااااهز

[زيكو منيب]

يديك العافية يا مشرفنا

[مزوني]

حبابك أخوي زيكو

وده واجبنا غصبا عننا

عشان خاطر سعادة شفاهكم يا حلوين وارضائكم

وتسلم كتير على مرورك يا غالي وربنا يديك الصحه والعافيه

[lamis]

مزوني انا ناويه امشي كاس العالم رايك شنو
مننا بالعجله بتمشي

[مزوني]

لااااااااااااااااااااااااااااااااااااااااااااااااا اااااااااااااالا ياخ

ما تهظري يا لميس انا أقول ليك كلام احنا شهر 5 قالوا الزلط يسيح من شدة السخانه عشان كده طرفي لي غرفه لحد ما اجيكم وبعد داك وصفي لي الدرب

وأديني عجلتك وأنا بمشي كأس العالم رايك شنوووووووووووووووووووووووووو؟؟؟؟؟؟؟؟؟؟؟؟؟؟

يديك العافيه يا لميس على مشاركتك

ونتمى ليك متابعه حلوه لكأس العالم

[lamis]

طوالي يا مزوني ما عندي اي مانع
لكن شهر 5 سخانتنا كمان نار و احرا من السودان عشان الارض رطبه

يعني لو هارب من الحر حتجي تلقاهو هنا كمان

[مزوني]

لوووووووووووووووووووووووووووووووول

هههههههههههههههههههههههههههه

خلاص بطلنا

الله غالب بس نمشي الجنوب

[الجندي المجهول]

يا مزوني انت وريتنا المجموعات لكن ما وريتنا انت حا تتفرج في كاس العالم دا وين في الحبيبة ولا في فجة بعيدة وتسلم يا رائع

[الشريف الهندي]

كدي ده كلو خليه الهلال لا عب بتين

[مازن سواح]

حبيبي مزوني مبرووووووووووووووك التألق الرائع
بس انا علاقتي قلت بالنت أعزرني كان نفسي أكون دايما معاك
بتمنى ليك كل السمح لا تضوق عذاب لا تنجرح[b][quote]

[مزوني]

الجندي المجهول حبابك حبيبنا ومشكور كتير على مشاركتك يا غالي

الغالي الشريف الهندي مشكور كتير يا زعامه لكن انت عارف المشكله انو الهلال طار خلاص ومشى على الكونفدراليه

بس قول انشاءالله يتلاقى هو والمريخ في المباراه النهائيه !!!!! هههههههههههههههههههههه ( حلم الجعان عيشه لكن معليش للشطحه )

حبيبنا سواح شنو يا نوام روح مشتاقين والله والحاصل شنو يا قليب ضيعت الباسويرد ولا شنو ؟؟؟

نورتنا من جديد يا حبيبي ومرحب بيك كتيييييييييييييييييييييييييير

[خالد عبدالماجد]

برنامج روعة لمباريات كاس العالم
أضغط للتحميل
مباريات كأس العالم

[مزوني]

تسلم عزيزي خلودي يا مبدع ما قصرت والله

وربنا يديك الصحه والعافيه

ملاحظه بسيطه عن البرنامج :-

عشان يشتغل البرنامج في جهازك لازم يكون عندك برنامج مايكروسوفت إكسل

انتهى

ونتمنى للجميع مشاهده ممتعه مع مباريات كأس العالم

ولمره التانيه بشكرك كتييييييييييير يا أبو الخلد وما عدمناك يا غالي

[السلامى]

مشكور أخى ماعارف ليك طريقة تخلينا نشاهد بيها كاس العالم ملح

[خالد عبدالماجد]

الأخ مزوني مشكور على الإضافة الهامة وهي فعلاً ضرورية
ولك تقديري على الكلمات الطيبات التي تسعد القلب .

[خالد عبدالماجد]

السلامي تحيات يالذيذ
لكن ملح دي مابقدر عليها أنت ماتحمد الله أنو المباريات جاتنا في أوقات مناسبة بدل السهر للفجر أنتظاراً للمباريات ...
يازول ماتطلع ليك 820 ريال وتشتري بطاقة راديو وتلفزيون العرب
لكن بيني وبينك هي حارة وكتيرة
مع أعتبار المبلغ دة لمباريات كأس العالم فقط
يعني اشتراك لشهر و10 ايام شغلة تزعّل !!!!

[elfatih61]

شكرا ليــك ( ياو كســلا ) 00 ريحتنا كتيـــر
السـلامي 00 الملح الكتيــر دا بعمل الضغط 00 دايرين تشوفوا كأس العالم
دا طلعوا الكنجالات دى وإستمتعوا بي حياتكم 00

[خالد عبدالماجد]

أيوة يالفاتح خلى الناس دي تطلع الريالات وخلينا أنا وأنت نشتغل دعاية يمكن صالح كامل يلقي خبر ويدينا بطاقتين ( ملح ) من الكايس ليهم السلامي .
مشكور على التعقيب أخ فاتح ...

[ابراهيم]

والله يا خالد برنامج جميل ..
وان شاء الله صالح كامل يجي بي جاي على قولك
خلى يديك تلاتة تذاكر ..
الفاتح انت ملحت خلينا نملح معاك
سلامات يا غالين

[خالد عبدالماجد]

إبراهومة بنفسه
شنو ياإبراهيم بقيت غالي وظهورك حبة حبة إن شاء الله مافي عوجه
صراحة صرنا نشتاق لي مشاركاتك اللطيفة ...
وبعدين أقول ليك مايهمك لو الخبر وصل للجماعة بنفسمها فريقين أنا وأنت في بطاقة عشان تحكي لي نكات المساطيل الجديدة والسلامي والفاتح نديهم التانية ...
سعدت بمرورك كثيرا وبالله ياإبراهيم ماتطول الغيبة ...

[امل حياتى]

تسلم عزيزي خلودي يا مبدع ما قصرت والله

[الجندي المجهول]

انت والي ولاية كسلا يا ود كسلا يالحنان اهلا والله انت في السلك وتسلم

[امير عبدالباقي]

ود كسلا حاجه روعه والله تسلم ياغالي

[ابراهيم]

إبراهومة بنفسه

شنو ياإبراهيم بقيت غالي وظهورك حبة حبة إن شاء الله مافي عوجه
صراحة صرنا نشتاق لي مشاركاتك اللطيفة ...
وبعدين أقول ليك مايهمك لو الخبر وصل للجماعة بنفسمها فريقين أنا وأنت في بطاقة عشان تحكي لي نكات المساطيل الجديدة والسلامي والفاتح نديهم التانية ...
سعدت بمرورك كثيرا وبالله ياإبراهيم ماتطول الغيبة ...

والله يا خالد الواحد جاري وراها بس زي توم آند جيري
ما عارف حدها وين .. الله غالب
بالنسبة للبطاقات اتفقنا يا مان بس خلى عمك يجي حايم بي جاي
المساطيل اليومين ديل بقو رقراق ما عارف ليه
يكون ناس القضارف دخلو الغابة