اها بعد دا ابدا ولا لسه!!!!؟؟؟

[ود سعدابى]

مدخل اول :

بسم الله الرحمن الرحيم

السلام عليكم ورحمة الله وبركاتة


أعزائي هناك مجموعة من النصائح انقلها لكم التي قد تقدم لكم شيئاً من الفائدة أرجو قبولها من أخو لكم في الله ....

- فور تسجيلك في المنتدى لو تقوم بالمشاركة بموضوع تعرف به عن نفسك كعضو جديد ليتم الترحيب بك من قبل إخوتك وأخواتك هنا .



- لو تقوم في البداية بالمشاركة في المواضيع قبل أن تشارك بموضوعاتك لتتعرف على طبيعة المنتدى وأعضاءوه.


وختاماً لكم خالص شكري وتقديري .
ناصر عمر
مشرف منتدي الاقترحات والمناسبات والترحيب

مدخل ثانى :

في نكتة قديمة بتقول إنو في عربي جاء

الخرتوم ومن نزل في السوق الشعبي سأل

من الباص البمشي الخرتوم الجماعة أشروا ليهو على بص أبورجيلة الأصفر .. أها من

الخرتوم قال داير باص أم درمان أشروا ليهو على بص ابورجيلة الأصفر .. من أم درمان قال داير بص الثورة أشروا ليهو على بص ابورجيلة الأصفر وبالطريقة دي لمن رجع أهلو ..

أها الجماعة سألوه كيف البقعة قال ليهم
والله البقعة سمحة بالحيل علا علي اليمين في بص سايطها جنس سواطا

أها النكتة دي زكرتنى حالى بعد جيت ليكم فى هذا الصرح الجميل منتديات ود مدنى وانا جديد كرت كرتونه وقريت قوانين المنتدى نزلت بوست دقيت بيهو الباب وعرفتا الناس الجميلين الشفيفين اعضاء وادارات منتدى ود مدنى واى بوست نزل جديد ولا كان قديم إلا تلقانى متلب عليهو وقاعد محكر اشرب في القهوة مع سيد البوست وسايط شمال يمين

عرفت طريقة التعامل التى ديدنها الوداد والتاخى ولم ارى غير جمال فى جمال كجمال مدينة ود مدنى

اها الحكاية دى طبعت فى زهنى سؤال ؟

هل انا جدير بالجلوس بينكم ؟؟؟
..
هل من خلال رودى اوحت لكم انى شخص فعلا يكمن له ان يجلس فى رحاب منتدى مدينة ودمدنى التى إتوه فى عشقها حد الثماله ؟؟؟!!

يعنى الموضوع دا نزلتو ليست كمشاركة أولى لى .. دا استفسار بث
لو ما هضمتونى ممكن امشى عادى عندى انا زول حساس ومابحب اقعد فى حته الناس مارضيانه بى قعادى فيها

يلا يا شباب سريع ادونى الجواب عشان ابدا الانطلاقه

لو مافى طريقه اشوف لى قبله اقبل عليها !!!! وابكى على ضياع اجمل فرصة أُوتيحت لى بالانضمام لكوكبه جميله وشباب نشط دوما بكل ما هو رائع


تقبولو تحياتى

ود سعدابى( المنتظر )

[تغريد]

ود سعدابي


مرحب بيك كتير في منتديات ودمدني العامرة يا سعدابي وبتنمني ليك أقامة طيبة بين اهلك وناسك

وكيف ما في طريقة ...؟ منتديات ودمدني للجميع ومشاركاتك علي العين والراس منتظرنك و بشدة

تقبل مروري

[محمد السر]

ود سعدابي


مرحب بيك كتير في منتديات ودمدني العامرة يا سعدابي وبتنمني ليك أقامة طيبة بين اهلك وناسك

وكيف ما في طريقة ...؟ منتديات ودمدني للجميع ومشاركاتك علي العين والراس منتظرنك و بشدة

تقبل مروري

نفس الشعور

[wad alballal]

كدي يا ود سعدابي الود الشفت الفي الصورة دا منو ... غايتو عشااااااااااان الود مرحب بيك في منتديات ودمدني قسم النفاج .. ولو جيتنا في النيمة اييييييييييييييك بتلقي ترحيب اكتر ... عشان كدا عازمنك جبنة بعد المويات في النيمة ...
وتقبل مروري ...

[ود سعدابى]

ود سعدابي


مرحب بيك كتير في منتديات ودمدني العامرة يا سعدابي وبتنمني ليك أقامة طيبة بين اهلك وناسك

وكيف ما في طريقة ...؟ منتديات ودمدني للجميع ومشاركاتك علي العين والراس منتظرنك و بشدة

تقبل مروري

يا سلاااااااااام يا تغريد ياخ ماقصرتى معاى كلو كلو

وربنا يديك من كل شجرة سعاده عصا

وشكرن مرورك

[ود سعدابى]

نفس الشعور

يسلم شعورك يا ود السر تحياتى يا رائع

[ود سعدابى]

كدي يا ود سعدابي الود الشفت الفي الصورة دا منو ... غايتو عشااااااااااان الود مرحب بيك في منتديات ودمدني قسم النفاج .. ولو جيتنا في النيمة اييييييييييييييك بتلقي ترحيب اكتر ... عشان كدا عازمنك جبنة بعد المويات في النيمة ...
وتقبل مروري ...

ود البلال سلااااام دا اسمو بدر او شيخ بدر

يعنى لو قلت بركة الشيخ بدر اب حوارا جكسى ومحايتن بيبسى

طوااااااااالى امورك العاطفيه بتتصلح والعهده على الشيخ الفى الصورة
اها ضل النيمه دا ماعندنا ليه فرقه الايام دى بنشد الرحال لى البلد بعد الوصول لو اتوفر النت والكهربا لانو قالو الكهربا عندكم زى البرق

شكرن لى مرورك

على فكرة
ــــــــــــ

بدون إيصال

[الملكة اسماء ( ام محمد )]

هو القال منو رقيص العروس من ضمن عاداتنا !!!

دى عادات وافده إلينا من الخارج وكتير الزافد إلينا من الخارج وضميناه بدون خجله لى عاداتنا !!!

ام الرحط دا عادات سودانيه ميه الميه

عندنا فى قريتنا الرحط بكون نوع من انواع كسر الحيا بين العروسين
ويربط فى مناطق مختلفه ويجعلوهو مخفى عن العريس مرات يربط فى الجيد ومرات يربط فى اليدين ومرات فى الرجل وامام مجموعه من الناس يدخلوهم تحت توب او قطعة قماش شفاف ويجعلو العريس يبحث عنه داخل جسد المراءة وسط زغاريد واهازيج اهل العروسين مع وضع فى الاعتبار العروسه بكامل ملابسها سواء ان كان زفاف او جدله يعنى مافيه ايك عيب !!!

لاكن الشفتو عندك دا او القريتو دا دى ماعاداتنا واصلو مالاقتنى ولا سمعت بيها

دى راقصه كبريهات ليس إلا

تقبل مرورى

ود سعدابى المندهش

دايما احساس وحيد بث عزاى اصابع حسى التى مابرحت وانا ممسك بى قصبه اقدها طولينا واعمل لها فتحات بالعرض لكى يخرج الهواء السخن الذى اكتحلت به دواخلى واعمل ايقاع يلون لى حياتى واسند نفسى على الزمن القبيح
واعزف لحن ليست له نوته موسيقيه محدده فقط اعزف وبهارمونى الوحده ويخرج ميلودى للسامع غريب فقط عليك ان لايتعب نفسه!!! سميه زى ما تسميهو بس لحن بكون خارج من كينونت انو داير يفرق زهجتو ويثنى على وحدتو وهو مغلوب سته صفر من منو ؟

منها

ومنو

ومن الزمن

الفائز :الوحيد هو الزمن

فقط عليه ان يواصل العزف حتى لا ياتى عليه فى ميلودى وهو مجبر على عزفه امام الملا ( جنون)
فقط عليه ان يعزف إلى ان يزهب القبح وتبتل المشاعر بكل ما هو جميل ويثبت الحب
واكون !!
حدقت بلا وجه
ورقصت بلا ساق

قد يكون بعض انواع التغييير يعنى قد تجد بعض الازواج حكاية انو البيت الشغل وبالعكس فيها بعض الملل

اما فى اغلب الاحيان يكون البيت طارد
مثلا !!!
مما تجى من الشغل تقوم بى كل همة من ونستها مع صاحبتها

وتقول ليك جيت !!؟؟؟ وحالها ينعل سوالها

فى خفة تخت ليك الغداء ومرات تلقى توبها جارى بى الواطه وكرعيها مغبشات

تنتهى من الغداء ترفع صينية الغداء بيد وتنزل ليك صينية الشاى باليد الاخرى
فى اسرع خدمة فندقية تفتغر لى ابسط الضيافه من ابتسامه عريضه وكلمة كلمتين حلوين
وترجع تانى تتم ونستها !!!

وانت تتنحنح وتهمهم بى كلمات وخارج من البيت على وين يا إما الصالون ويا إما النادى
لانو البيت طارد

تقبلى مرورى

واتمنى من كانو يرفعون شعارات سير سير يا منو اتمنى ان تفعل الان لاننا فى حوجة لسيرهم ونزولهم من عرباتهم الفارهه وان يشاركو المواطن السير اى العوم على حسب علمى

وعوم عوووم يا البشير لانو مافى طريقه تسير !!!

والله ليك يا سودانى الاصبحت من السؤ دانى

وتقبل مرورى العائم !!!

اخى ود الاصفياء ان نظرت لى هذه الدورة فى الخارج لاتجد لها اثر !!

قد يكون السبب توقيت هذه الدورة

او إنها ليست زات فايدة والانطباع السايد والاصبح واضح هو اهتمام اهل الرياضه (كورة القدم ) بهلاريخ فقط دون غيرها حتى المنتخب الوطنى لايجد الاهتمام من المشجعين

او ان الخلل فى من نظموها !!!

قد يكون من احد الاساب حسب رائى

اتمنى ان لاتحمل اعضاء المنتدى ما لايتحملوه

التمنى اخذته من فترتى فى هذا المنتدى فهم يتفاعلون بشتى مواضيع المنتدى

تقبل مرورى

ود سعدابى

متطلبات الزمن وإيقاع الحياة السريع ادى الى كل هذا التغير مع مساعدة منا وهو مجارات القبح فيه دون النظر الى الجزء المشرق منه
تحياتى موضوع جميل حقا

بهناك :

كدى النمشى اشوف نفسى فى المراية طولتا منها واشتقتا ليها النتعب نفسى شويه وافتش ليها وسط الزحمه الحاصله دى وخايف القاها طلعت تفتش لى المجهول

تقبل مرورى

والله اخى المغترب رغم كل الشروحات دى لسه انا ماقادر افهم حاجه
يعنى النسوان ديل ممكن يكونن بنات حور عين معدلات
ولا امشى بى مقولة جدى انو 90% من النساء للنار !!!
غايتو ربنا يعطينا الجواب الشافى

تحياتى لك و لى مرورك وسؤالك الذى اعطى لى البوست بعد آخر

التعيس : الذى كل ما احسنت إليه تجده لايمحد ربه ولايشكرك

تعيسه ايضا: تلك التى تهرس ليها كل دروبك حنين تجد كل السويتو راح فى اول لفة خصام بسيط

تعيس : صاحب الصيدليه وهو يضع لافته ومكتوب عليها مغلق وتنظر من خلال الزجاج تجده يرتشف كباية شاى و قهقهات مع الزميلات وانت محتاج الدواء !!!

شهد قلمك اخي العزيز
فان لم يكن مكانك بيننا فاين سيكون ؟؟

كن بالف خير
ونحن بانتظار المزيد

[سودانية وافتخر]

يا مرحبا فيك يا ود سعداوي ولو دا كلام برضو انت هنا بين اهلك وناسك

[نزار السر]

ودسعدابى سعيد بانضمامك الينا والى هذا الصرح العملاق
والف مرحب بيك كتير كتير

[محمد السر]

تبدأ اكتر من كدا كيف لكن يا ود سعدابي

مليون مرحب بيك

[نبض المشاعر رووونة]

ياهلا ومرحبا
بين اهلك وناسك
المنتدى نور

[littlestar]

ود سعدابى صاحب الإحساس الشفيف
والأراء الجميله المشاكسه
كدى قول بسم الله
تعرف أبدن ما حسينا بيك غريب مننا
أو ما معانا

تمريره:
دى الحاله يعنى لسه ما بديت
تبارك الله
عينى بااااااااارده
تعالى ثاااااااااى
نحن راااااااااااااااااجينك

[ود سعدابى]

تحياتى للكل


من حيث ما توقفنا مشتاقين ليكم وكدا

من حيث الداخلات شكرن كتيرن على الاطرآت الجميله التشبهكم دى

وبجيكم صاد مسافة شوقين ما اكتر

[wad alballal]

ودسعدابي خلاص رجعت البلد ولا لسة ... عشان منتظرين اظلالتك علينا ... وابقي قريب ..

[أبو جودي]

مرحب بيك الف ود سعدابي التحته الشجر كابي ،،،، بس عاوزين نشوفك في كل المنتدى ،،،،
وما يقوموا يدقسوك ناس كدى ،،، انت براك مر وشوف ومرحب بيك عشرة بلا كشرة ،،،
لك الود والتحية

[مهيد ود السفاح]

كيفنك يا ود سعدابي
عساك طيب يا اخوي

قالوا لي شلت البلد
اها الناس كيف ؟؟
والزراعه ؟؟
ان شاء الله كويسين طب

اها انا شايف الناس منتظرنك
خرج لينا الفي جرابك
الجديد عندك شنو ؟؟
ما تقول اصبر شويه , صبراً يبل البليله مافي
وين الكلام السمح السجلتو في الدفتر يوم ما اخدت ليك مرقه من الحله وشقيت ليك كم حواشه كده لحدي ما وصلت الكنار (الخزان ) .
ياخي الكلام الحلو شديد داك الكتبتو وانت قاعد فوق كبري الخشب حق كيلو 88 .
ما انا عارف انو الكلام هناك تاني
ما تندهش
انا لسه عندي كلام كتير بقولوا ليك يوم الجمعه كان جيت ود العامرابي
اها يا اخوي فتك بالعافيه
وسلم لي على ناس الصفا وكان مشيت لي قدام سلم على ناس ودحميدان .

[ود سعدابى]

ودسعدابي خلاص رجعت البلد ولا لسة ... عشان منتظرين اظلالتك علينا ... وابقي قريب ..

ود عبدالله
شكرن تخيل زول رجع غصب زول مجبود لى غادى
وقلبو ومصارينو مقطعه فوق مدنى

ياخى حاله اخير منها سواقة لورى فى الوحل

شكرن تانى

[ود سعدابى]

مرحب بيك الف ود سعدابي التحته الشجر كابي ،،،، بس عاوزين نشوفك في كل المنتدى ،،،،
وما يقوموا يدقسوك ناس كدى ،،، انت براك مر وشوف ومرحب بيك عشرة بلا كشرة ،،،
لك الود والتحية

ابو وجدى

ياخى انا جواكم طالما انى جوة المنتدى فى اكتر من كدا تصدق قمة سعادى لمن اكون هنا

ولك كل ما يتسع شى جميلا

[ود سعدابى]

كيفنك يا ود سعدابي
عساك طيب يا اخوي

قالوا لي شلت البلد
اها الناس كيف ؟؟
والزراعه ؟؟
ان شاء الله كويسين طب

اها انا شايف الناس منتظرنك
خرج لينا الفي جرابك
الجديد عندك شنو ؟؟
ما تقول اصبر شويه , صبراً يبل البليله مافي
وين الكلام السمح السجلتو في الدفتر يوم ما اخدت ليك مرقه من الحله وشقيت ليك كم حواشه كده لحدي ما وصلت الكنار (الخزان ) .
ياخي الكلام الحلو شديد داك الكتبتو وانت قاعد فوق كبري الخشب حق كيلو 88 .
ما انا عارف انو الكلام هناك تاني
ما تندهش
انا لسه عندي كلام كتير بقولوا ليك يوم الجمعه كان جيت ود العامرابي
اها يا اخوي فتك بالعافيه
وسلم لي على ناس الصفا وكان مشيت لي قدام سلم على ناس ودحميدان .

ود السفاح ياخى انا محتاج اعمل شت داون لى الجهاز وافتحو تانى !!!!

انت ماخليت لى شى اقولو
دا انت اظنك قاعد معاى فى قعر الحته وشارع بيتنا لمت ناس الحله عصارى مكان مابربط حاج عبدالله حمارو الشايل فيهو
خرج ملان بى عشا البهيمات
وياااااااااااااااه من ديك الحظه الطفر سلم وقالد مع انو مرق ضحويه !!!

ولمن لما القمرا تمرق تدى إشعار لى اطفال الحله يجرو خلف التيوه
وشليل وين راح
وانا اساسق بى راسى الحفيان كايس نعلين الحنيه
جيعان من بره وملان من جوه تحنان
ماوروك ماغشيت بنية شيخنا عمر
واتزكر زمانا اخدر
زمن ما كنا بنرحل بعد العيد التانيه

ونحنا نردد الشيخ عمر جينا نزورك ومن بعيد شتت لينا نورك
وسوق سوق يا شواق اللورى سوق

تصدق كل ما امشى واتزكر الطفوله دموعى بتمشى
ومابسعلا انها وين ماشه ما كل الارض مرسى

وياسلااااااااااام لما النهار يسخن تمشى الكبرى تغتس ليك كمين غتسه كدا
وبكره يندهوك فى طابور الصباح
عشان استحمين فى الكنار

ياخى الكلام كتير اقول ليك حاجه
مترووووووووووس حد الغرق هناك

بين غوسين ماتنسى اشحد لينا شيخ عمر بخرات حنان يصبرنا على الزمن الشين دا

شكرن شديدن

يا مهيد راجيك هنا
ولك المحبه وما جاورها

[مهيد ود السفاح]

المحبه بدورها
وبدور اقعد معاك في العصاري في طرف الحله
وريحة الطين والدعاش وخدار سراباتنا تملك حروفنا
وصوت موية اب عشرين نغمة رنينا

لكن يا ود سعدابي الشلابي الفوق ود شمعه قعدتهن احلى


انا بحيرك عديييييييييييل

[ود سعدابى]

المحبه بدورها

وبدور اقعد معاك في العصاري في طرف الحله
وريحة الطين والدعاش وخدار سراباتنا تملك حروفنا
وصوت موية اب عشرين نغمة رنينا

لكن يا ود سعدابي الشلابي الفوق ود شمعه قعدتهن احلى

انا بحيرك عديييييييييييل

ياخ انت حرتا وزرعتا جواى الحنين تانى

من اول بعد ما قمنا من قعدتنا هناااااااااااااااك داير ترجعنا شكرن ليك يا سفااااااااااح

بالجد انت قعدتا هنااااااااااااك اكيد

قول قول ياخى

كفايه محااااااااااحا

[مهيد ود السفاح]

ياخ انت حرتا وزرعتا جواى الحنين تانى

من اول بعد ما قمنا من قعدتنا هناااااااااااااااك داير ترجعنا شكرن ليك يا سفااااااااااح

بالجد انت قعدتا هنااااااااااااك اكيد

قول قول ياخى

كفايه محااااااااااحا

قالوا يا سعدابي الحب والريده بتكبر في القلوب زي زراعة البصل المسمس , اها يا سيد الامانتي ليك انا بموت في المحا حااا .
انت عارف من زمان واقولوا لي يا ولد شيل كيلتين المايو ديل وديهن الطاحون
اقول امشي اوديهن فوق حمار جدي عدلان
اصلوا عندو حمار ما يمشي الا كربه
ده لو انا ما داير احاحاي
لكن كان ركبت حمارة النور ود امحمد
الله اعلم اكون في دقيق
اصلها ( مكاديه )

وبجيك راجع اكلمك عن رحلاتي مع الدقيق في الطاحون
هسي خليني امشي اشوف لي جاز ابيض من دكان خلف الله الدقار

[ود سعدابى]

قالوا يا سعدابي الحب والريده بتكبر في القلوب زي زراعة البصل المسمس , اها يا سيد الامانتي ليك انا بموت في المحا حااا .

انت عارف من زمان واقولوا لي يا ولد شيل كيلتين المايو ديل وديهن الطاحون
اقول امشي اوديهن فوق حمار جدي عدلان
اصلوا عندو حمار ما يمشي الا كربه
ده لو انا ما داير احاحاي
لكن كان ركبت حمارة النور ود امحمد
الله اعلم اكون في دقيق
اصلها ( مكاديه )

وبجيك راجع اكلمك عن رحلاتي مع الدقيق في الطاحون
هسي خليني امشي اشوف لي جاز ابيض من دكان خلف الله الدقار

عليك الله شيل دقيقك دا والحقنى فى طاحونت حاج الماحى عشان قالو دقيقا ناعم

اوعى تمشى ود ديومه عشان ببقصو الدقيق فى الحجر

تعالى تعالى آعشاى بغادى نبكى ونتنخج

على الزمن الشين دا

لاكن اوعدنى بعد البوست دا تفصح ياخ كفاية جهجه

هنا
http://www.wadmadani.com/vb/showthread.php?t=30346