المشاركة الأصلية كتبت بواسطة moram
يا أخوانا الأعزاء إنتو بتتناقشوا كيف؟؟؟
الزواج أساسا قائم على أسس ومفاهيم , والمفروض يكون في تفاهم بين الزوجين , وحسن تعامل , بمعنى الإحترام يكون متبادل بينهم الإثنين , وكل واحد يقوم بواجباته تجاه الآخر دون نقصان , وأن يكون العطاء متبادل , إذا الزوجة أحست بتعب زوجها لازم تقدر التعب ده وتريحو وتقدر وضعو وظرفو , لأنو في الآخر تعبان ليها ولأولادهم الإثنين, وكذلك الزوج يقدر ويحس باللي بتعمله وتبذله زوجته من جهد في سبيل راحتها وراحة أولادهما , وصدقوني لو الناس دي متفاهمة ومحترمة بعضها , حيعيشوا أجمل عيشة مهما كانت الظروف .
ويا شباب المنتدى أفهموا القصد من كلام أخواتكم , هم ماقالوا ليكم غسلوا العدة أو ......,أو......! هم قصدهم إنو أحيانا ( لاحظوا أحيانا وليس دائما ) بتجي ظروف بالجد بتحتاج فيها الزوجة للمساعدة أيا كان نوعها , لأنها في الآخر إنسانة , وزي ماهي بتقدرك وبتريحك فيها شنو لو إحتاجت للقليل من المساعدة؟ , بالعكس لما تساعدها حتحسسها بأنو معاها راجل ممكن لو حصل ليها أي ظرف حتعتمد عليه , وما حتخاف على بيتها وأولادها في حالة الطوارئ لأنو في الراجل البيعتمدو عليهو , وما أعتقد إنو في زوجة بترضى إنو زوجها يشتغل ليها شغلها وهي في أتم الصحة لأنو دي خجلة وعيب عليه هي وده معناها ما زوجة هميمة , إلا إذا كانت مساعدة جانبية من الزوج , وبعدين خلاص إنتو فاضيين للدرجة دي ؟ لما تساعدوا زوجاتكم طول الوقت؟؟؟
وبعدين إنت متزوج لييه ؟؟ صح علشان يكون في البشيل همك , ويساعدك ويريحك في الحياة ؟؟ طيب هي برضو إتزوجتك علشان كدة , وإنت أعتقد إتزوجتها علشان تأسسو مملكة زوجية هانئة , وما إتزوجت خادمة , ياخ حتى الخادمة لو تعبت بيساعدوها , فما بالك بزوجتك , وفي النهاية الزواج السعيد , زي ماقلت ناتج من التفاهم والإحترام المتبادل , وماتنسوا إنو إنتو الإثنين ممكن تدخلوا الجنة باحترامكم وتقديركم لبعض.
أها إن شاءالله الفهم وصل؟
والله يا عثل عرفتي ليهم الناس دي
لكن يا ريت يكونو فهمو وعرفو احنا قاصدين شنو
وما اظن بعد كلامك يكون في تاني كلام \
تسلم يدك يا راقية ودمتي
رد مع اقتباس
المفضلات